«Երկիր մեդիայի» եթերում ժամեր առաջ տեղի ունեցավ ՀՀ երկրորդ նախագահ Ռոբերտ Քոչարյանի հարցազրույցը. նա ազդարարեց իր վերադարձը քաղաքականություն: Այդ հարցազրույցում հնչած մի քանի մտքերի ու շեշտադրումների շուրջ «Առաջին լրատվական»- ի հետ քննարկմանը մասնակցեցին քաղաքագետ Աղասի Ենոքյանը և փորձագետ Ռուբեն Մեհրաբյանը:
«Կարծում եմ՝ Քոչարյանը քաղաքականություն վերդարձավ՝ կապված իր ձերբակալության դեպքի հետ, որովհետև երևի նրա գերխնդիրը իր անձի անվտանգությունը և ունեցվածքը պահպանելն է: Ս. Սարգսյանի պաշոնավարման ժամանակ, երբ որ սեփականության վերաբաշխման պրոցես էր ընթանում, նա քոչարյանական ակտիվներին չկպավ, և Քոչարյանն իրեն պասիվ էր պահում: Երբեմն որոշ կուսակցությունների միջոցով դաշտը փորձարկում էր, բայց քաղաքականություն վերադառնալու հստակ մտադրություն չուներ, իսկ այժմ երբ որ վտանգված է նրա անձը, բնականաբար նաև ունեցվածքը, նա ստիպված էր քաղաքականություն վերադառնալ»,- նշեց Աղասի Ենոքյանը:
Հարցին, թե որքանով է քաղաքականություն վերադարձը երաշխավորում Քոչարյանի անվտանգությունը, երբ արդեն քրեական գործեր են հարուցված, Ռուբեն Մեհրաբյանը պատասխանեց. «Մարտի 1-ի գործով մեղադրյալ Ռ. Քոչարյանը այսօրվա Հայաստանում քաղաքականության մեջ այլևս անելիք չունի, ասելիք չունի: Նա փորձում է քաղաքականացնել ստեղծված իրավիճակը, այն քրեական գործը, որը կապված է իր հետ: Քոչարյանի հայտարարություններից ու հեռուստաջղաձգումներից այլևս որևէ մեկը չի տպավորվում:
Ռևանշիստական ուժերի՝ քանակապես այդ շատ նեղ շրջանակի մոտ նա կարող է երևալ որպես հույս կամ հնարավոր բյուրեղացման կետ, բայց այդ ամենը որևէ հեռանկար չունի»:
Աղասի Ենոքյանն ընդգծեց, որ ի դեմս Քոչարյանի՝ ռեալ հակահեղափոխություն է ձևավորվում: Ռ. Մեհրաբյանը հավելեց. «Հակահեղափոխական ճամբարի տարրերի հետ, որ արդեն ուրվագծվում են, Ռուսաստանի դեսպանը Երևանում ակտիվ հանդիպումների մեջ է: Մոսկվան ներքուստ թշնամաբար է վերաբերվում այս հեղափոխությանը և միջոցների մեջ խտրականություն չի դնելու՝ տապալելու այն»:
Մանրամասն՝ տեսանյութում: