Երեկ Քենսինգթոնյան պալատը հրապարակել է արքայազն Հարրիի և Մեգան Մարքլի երեք նոր պաշտոնական լուսանկար, որոնք արվել են նրանց նշանադրության պատվին։ Չնայած այն բանին, որ լուսանկարները հիմնականում դրական արձագանքներ են ստացել զույգի երկրպագուներից, համացանցում շատերը քննադատություններ են հնչեցրել կադրերի բավականին բաց լինելու պատճառով։
Սոցցանցերում սկսել են զույգի նկարները համեմատել արքայազն Ուիլյամի և Քեյթ Միդլթոնի առաջին պաշտոնական լուսանկարների հետ։
Մարքլը լուսանկարվելու համար ընտրել էր կիսաթափանցիկ երեկոյան զգեստ Ralph & Russo-ից։ Թագավորական ընտանիքի ներկայացուցչի խոսքով՝ 75 հազար դոլար արժողությամբ զգեստը գնվել է Հարրիի
հարսնացուի կողմից «մասնավոր կարգով»։ Մարքլի երկրպագուները նման ընտրությունը անվանել են ապագա դքսուհու կարգավիճակին չհամապատասխանող։
