Երեւանի ավագանու «Լույս» խմբակցության ղեկավար Դավիթ Խաժակյանի մերձավորին մի քանի օր առաջ Երեւանում ոստիկանների կողմից ծեծի ենթարկելու դեպքով հարւցված քրեական գործի շրջանակում ոստիկաններից մեկը կալանավորվել է, մյուսն ազատ արձակվել:
Այս մասին ասել է ՀՀ հատուկ քննչական ծառայության մամուլի խոսնակ Մարինա Օհանջանյանը: Երկու ոստիկաններին մեղադրանք է առաջադրվել ՀՀ Քրեական օրենսգրքի միանգամից երեք հոդվածներով՝ խոշտանգման, պաշտոնեական կեղծիք կատարելու եւ պաշտոնեական լիազորությունները չարաշահելու համար։
Ավելի վաղ հայտնի էր դարձել, որ Ոստիկանների կողմից մերձավորիս նկատմամբ մի շարք ապօրինի գործողություններ կատարելու եւ ծեծի վերաբերյալ Հատուկ քննչական ծառայության կողմից հարուցվել է քրեական գործ:
Առերեսումից հետո երկու ոստիկան ձերբակալվել էր:
Խաժակյանն ավելի վաղ հայտարարել էր, որ ոստիկանության աշխատակիցները հունիսի 6-ի ուշ երեկոյան բռնություն են գործադրել իր մերձավորներից մեկի նկատմամբ, ծեծել նրան, պատճառել մարմնական վնասվածք:
