Ռուսաստանի արտաքին գործերի նախարար Սերգեյ Լավրովը գտնում է, որ Ռուսաստանի և Արևմուտքի հարաբերությունները ներկայումս ավելի վատ են, քան «Սառը պատերազմի» ժամանակ։ Այս մասին հայտարարել է Սերգեյ Լավրովը BBC-ի հետ հարցազրույցում:
Նրա խոսքով՝ «Սառը պատերազմի» շրջանում գոնե գոյություն ունեին «հաղորդակցության կապուղիներ» և «չկար ռուսաֆոբիայի մոլուցք, որը նման է պատժամիջոցների միջոցով ցեղասպանության։ Միաժամանակ, Լավրովը հույս ունի, որ Արևմուտքի իշխանությունները կգիտակցեն այդ դրության վտանգավորությունը։
