«Ալաշկերտ»-ը հաղթեց «Ուրարտու»-ին և այժմ մրցաշարային աղյուսակի առաջատարն է
19:55, 26 Նոյեմբեր 2020
ԵՐԵՎԱՆ, 26 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի առաջնության 13-րդ տուրի շրջանակներում միմյանց դեմ մրցեցին «Ուրարտու»-ն և «Ալաշկերտ»-ը:
«Արմենպրես»-ի հաղորդմամբ` «Ուրարտու»-ի մարզադաշտում կայացած խաղում հաղթեց «Ալաշկերտ»-ը 1:2 հաշվով: Վերջիններիս կազմում աչքի ընկան Հովսեփյանը և Գալվաոն, իսկ «Ուրարտու»-ից հեղինակության գնդակը խփեց Ռադչենկոն: «Ուրարտու»- «Ալաշկերտ»`1:2:
Այս հաղթանակի շնորհիվ «Ալաշկերտ»-ը շրջանցեց «Ուրարտու»-ն և այժմ գլխավորում է մրցաշարային աղյուսակը: Ալեքսանդր Գրիգորյանի սաները երկրորդն են:
Այս տուրի շրջանակներում ավելի վաղ «Վան»-ը 1:3 հաշվով հաղթել էր «Շիրակ»-ին: Նոյեմբերի 27-ին կկայանան նաև «Արարատ»-«Նոա» և «Լոռի»- «Արարատ-Արմենիա» հանդիպումները:
Բաժանորդագրվեք մեր ալիքին Telegram-ում