1000х90.jpg (78 KB)

Երևանում՝ 11:07,   29 Մարտ 2024

Մինչև տարեվերջ գյուղական բնակավայրերում երեխայի խնամքի նպաստի իրավունքից կօգտվի մոտ 7 հազար շահառու

Մինչև տարեվերջ գյուղական բնակավայրերում երեխայի խնամքի նպաստի իրավունքից 
կօգտվի մոտ 7 հազար շահառու

ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: Գյուղական բնակավայրերում բնակվող անձանց համար մինչև երեխայի 2 տարին լրանալը խնամքի նպաստի իրավունք սահմանելն ուղղված է ժողովրդագրական իրավիճակի բացասական միտումները մեղմելուն:

«Արմենպրես»-ի մամուլի սրահում հրավիրված ասուլիսում ՀՀ աշխատանքի և սոցիալական հարցերի նախարարի տեղակալ Սմբատ Սաիյանը նշեց, որ նպաստը հատկացվելու է անկախ ծնողի աշխատելու կամ չաշխատելու հանգամանքից:

«Նպաստը լինելու է 26 հազար 500 դրամի չափով: Ասեմ, որ աշխատող ծնողի պարագայում երեխայի խնամքի նպաստի չափը ևս ավելանում է հուլիսի 1-ից՝ դառնալով 26 հազար 500 դրամ: Ստացվում է, որ եթե գյուղական բնակավայրում ապրող ծնողը նաև աշխատում է, ապա նա երեխայի նպաստ կստանա կրկնակի չափով, այն է՝ և՛ որպես աշխատող ծնող, և՛ որպես գյուղական բնակավայրում ապրող»,- ասաց Սմբատ Սաիյանը:

Փոփոխություններն ուժի մեջ են մտնում հուլիսի 1-ից: Մինչև տերեվերջ երեխաների նպաստի համար նախատեսված է 450 մլն դրամ: Խիստ նախնական հաշվարկներով մոտ 7 հազար շահառու կօգտվի այս իրավունքից: 2021 թվականին ամբողջ տարվա համար այս ծրագրով անհրաժեշտ կլինի 4 մլրդ դրամ:

«Ասեմ, որ օրենքով սահմանված պարտադիր պահանջ է, որպեսզի ծնողը և երեխան հաշառված լինեն գյուղական բնակավայրերում և երեխան փաստացի բնակվի գյուղական բնակավայրում»,- ասաց նախարարի տեղակալը:

Փոփոխություն է կատարվել խնամքի նպաստի համար դիմելու ժամկետի հետ կապված: Մասնավորապես, գործող կարգով, եթե ծնողը դիմում է նպաստի համար, և այն փոխանցվում է բանկ, ապա մեկ տարվա ընթացքում պետք է մոտենա և ստանա: Եթե մեկ տարվա ընթացքում չի ստանում, ապա կորցնում է նպաստի իր իրավունքը: Փոփոխության համաձայն, երեխայի նպաստը կվճարվի, եթե ծնողը կրկին դիմում ներկայացնի: Այս փոոխությունն ունի հետադարձ ուժ: Նախկինում նման խնդրի առաջ կանգնած անձինք ևս կարող են դիմել: Մեկ այլ փոփոխության համաձայն, խնամքի նպաստի համար դիմելու ժամկետը վեց ամսվա փոխարեն սահմանվել է 12 ամիս: Վերանայվել է նաև չվճարված խնամքի նպաստի վճարման պայմաններն ու կարգը:

«Գործող օրենսդրության համաձայն, եթե խնամքի նպաստը նշանակվել է և չի վճարվել, ապա դա վճարվում է դիմելու օրվանից նախորդող վեցամսյա ժամանակահատվածի համար: Այսինքն, եթե խնամքի նպաստի իրավունքը տրվել է, սակայն վճարը ստանալու համար ինչ-ինչ պատճառներով դիմել է մեկ տարի անց, ապա, միևնույն է, վճարվում էր վեց ամսվա համար: Այս փոփոխությամբ կվճարվի դիմելուն նախորդող ամբողջ ժամանակահատվածի համար: Եթե, իհարկե, դիմումը ներկայացվել է մինչև երեխայի 3 տարին լրանալը»,- ասաց Սմբատ Սաիյանը:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]