Քեմբրիջի հետազոտողները առցանց խաղ են մշակել Bad News խոսուն անվանումով, որտեղ խաղացողները մրցում են «ապատեղեկատվության մագնատ» եւ «կեղծ նորություններ» տիտղոսը ստանալու համար: Այսպիսով, գիտնականները մտադիր են մարդկանց սովորեցնել ժամանակակից աշխարհում տեղեկատվության հսկայական հոսքի մեջ կողմնորոշվել եւ դիմակայել ապատեղեկատվությանը, գրում է Naked-Science-ը:
Խաղի նպատակը կեղծ նորությունների կայսրություն ստեղծելն է: Դրա ստեղծման ընթացքում խաղի մասնակիցները տարբեր հնարքներ են օգտագործելու, որոնք գոյություն ունեն նաեւ իրական աշխարհում:
«Գաղափարն այն է, որ հենց դուք որոշակի մարտավարությունը փորձեք եւ այն խաղում օգտագործեք, դուք կկարողանանք այն նաեւ իրական աշխարհում հայտնաբերել: Մենք ցանկանում ենք, որ հանրությունն իմանա այն մեխանիզմների մասին, որոնցով տարածում են կեղծ նորություննները,-ասել է Քեմբրիջում որոշումների ընդունման լաբորատորիայի տնօրեն Սանդեր վան դեր Լինդենը:
