«Բայրաքթարներ»՝ «հանուն խաղաղության». Էրդողանը խաղաղասիրական կոչ է անում ու միաժամանակ զինում Ուկրաինային

Թուրքիայի նախագահ Ռեջեփ Թայիփ Էրդողանը երեկ ժամանել է Կիև և Ուկրաինայի առաջնորդ Վլադիմիր Զելենսկիի հետ համաձայնագիր ստորագրել Ուկրաինայում թուրքական «Բայրաքթար» հարվածային անօդաչու թռչող սարքերի արտադրության մասին։

Թուրքիայի և Ուկրաինայի առաջնորդների հանդիպումը տևել է շուրջ 4 ժամ, իսկ ավարտելուց հետո նախագահները հանդես են եկել մամուլի համար համատեղ հայտարարությամբ:

Զելենսկիի խոսքով՝ «Բայրաքթարների» արտադրության մասին համաձայնագիրը կստեղծի նոր աշխատատեղեր և «կուժեղացնի Ուկրաինայի պաշտպանունակությունը»։

«Այսօր ստորագրվել է համաձայնագիր, որը զգալիորեն կընդլայնի ԱԹՍ-ների արտադրությունը Ուկրաինայում»,- ասել է Զելենսկին «Ուկրաինսկայա պրավդա»-ի հետ զրույցում՝ Էրդողանի հետ հանդիպումից հետո:

Ուկրաինայի պաշտպանության նախարար Ալեքսեյ Ռեզնիկովը բանակցություններից առաջ հայտարարել է, որ Ուկրաինայում «Բայրաքթարների» արտադրության գործարանը դեռ պետք է կառուցվի։ Պաշտպանության գերատեսչության ղեկավարը հավելել է, որ Կիևի արտադրած անօդաչու սարքերը կհամալրվեն ուկրաինական շարժիչներով, և դրանք կստանան և՛ ուկրաինական, և՛ թուրքական բանակները միաժամանակ:

Հիշեցնենք, թուրքական «Բայրաքթար» անօդաչու թռչող սարքերը վճռորոշ դեր են խաղացել 2020 թվականի աշնանը Լեռնային Ղարաբաղի դեմ պատերազմում Ադրբեջանի հաղթանակի գործում, և, ըստ փորձագետների, դրանք այժմ կարող են էապես փոխել ուժերի հավասարակշռությունը արևելյան Եվրոպայում ուկրաինական բանակի և Ռուսաստանի կողմից հովանավորվող անջատողականների միջև հնարավոր առճակատման մեջ։ 

Ուկրաինան առաջին անգամ Դոնբասում «Բայրաքթարներ» է կիրառել անցած տարվա հոկտեմբերի 26-ին՝ նրանից հրթիռով ոչնչացնելով հակառակորդի հաուբից։ Պաշտոնական տեղեկատվության համաձայն՝ այն ժամանակ Ուկրաինան ուներ 12 նման անօդաչու թռչող սարք, և դեռ այդ ժամանակահատվածում զինվորականները խոսում էին մոտ ապագայում կրկնակի շատ գնելու մտադրության մասին։

Դեկտեմբերին Bloomberg-ը, հղում անելով իր աղբյուրներին, գրել էր, որ իրականում Ուկրաինան գնել է շատ ավելի շատ «Բայրաքթար», քան պաշտոնապես հայտարարվել էր, իսկ ավելի ստույգ՝ տասնյակներով:

Էրդողանը Կիևում վերահաստատել է նաև հայտարարությունն այն մասին, որ Թուրքիան պատրաստ է միջնորդել Ռուսաստանի և Ուկրաինայի միջև հակամարտությունը լուծելու նպատակով այդ երկրների նախագահների հանդիպում կազմակերպել իր տարածքում։ Միաժամանակ, Էրդողանը վստահեցրել է՝ հատկանշական է, որ թեպետ էրդողանը կողմերին ընդունելու և խաղաղասիրական կոչեր է հնչեցնում, միևնույն ժամանակ նա վստահեցնում է, որ Թուրքիան դեռևս կողմ է Ուկրաինայի տարածքային ամբողջականության վերականգնմանը՝ նշելով, որ երկիրը չի ճանաչում Ռուսաստանի կողմից Ղրիմի բռնակցումը և դատապարտում է ռուսական բռնաճնշումները Ղրիմի թաթարների դեմ։

Վլադիմիր Զելենսկին շնորհակալություն է հայտնել Էրդողանին միջնորդության առաջարկի համար։ «Ուկրաինայում խաղաղության համար մենք պատրաստ ենք հնարավոր ամեն ինչ անել բոլոր հարթակներում և բոլոր ձևաչափերում: Կարևոր չէ, թե կոնկրետ որտեղ կարող եք ավարտել պատերազմը: Կարևոր է, որ բոլորը պատրաստ լինեն դրան»,- ասել է Ուկրաինայի նախագահը:

Հիշեցնենք՝ պաշտոնական Մոսկվան դեռ չի համաձայնել Էրդողանի կողմից արված գագաթնաժողովի առաջարկին։

Ի լրումն անօդաչու թռչող սարքերի արտադրության շրջանակային համաձայնագրի, Էրդողանի Կիև կատարած այցի ընթացքում Ուկրաինայի ու Թուրքիայի միջև ստորագրվել է ազատ առևտրի համաձայնագիր։

Ուկրաինայի պաշտպանության նախարար Ալեքսեյ Ռեզնիկովը հինգշաբթի օրը նախագահների և պատվիրակությունների բանակցություններից առաջ կայացած ճեպազրույցում ասել էր, որ Ուկրաինան նաև կխնդրի Թուրքիային Ուկրաինային վաճառել անհատական պաշտպանության հանդերձանքները՝ զրահաբաճկոններ և սաղավարտներ։ «Քանի որ, ինչպես պարզվեց, ՆԱՏՕ-ի երկրների հերթը երկար է այդ համակարգերը գնելու համար, մենք կբանակցենք, որպեսզի Ուկրաինային հնարավորություն տանք առանց հերթի պաշտպանական համակարգեր ձեռք բերելու, խնդրեք, որ մեզ կառույցում դիմավորեն՝ հաշվի առնելով ժամանակաշրջանի առանձնահատկությունները»,- ասել է Ռեզնիկովը։

Նրա խոսքով՝ այս անգամ բեռնափոխադրող ինքնաթիռով Ուկրաինա է տեղափոխվել 85 տոննա նռնականետային կրակոց։ 

Ըստ ուկրաինական մամուլի գնահատականների՝ վերջին օրերին ԱՄՆ-ն ուկրաինական բանակին ինքնաթիռներով ուղարկել է գրեթե 600 տոննա շտապ օգնություն՝ նռնականետեր, Javelin հակատանկային համակարգեր, դրանց համար նախատեսված զինամթերք, ինչպես նաև հրաձգային զինատեսակների պարկուճներ։

Այդ ընթացքում Կիև է ժամանել յոթերորդ տրանսպորտային ինքնաթիռը՝ ԱՄՆ-ի շտապ ռազմական աջակցությամբ։ Այս մասին «Թվիթեր»-ում հայտնել է նույն նախարար Ռեզնիկովը։

Նշենք, որ ՆԱՏՕ-ի գլխավոր քարտուղար Յենս Ստոլտենբերգը երեկ հայտնել է, թե Ռուսաստանը վերջին օրերին Բելառուս է տեղակայել հետխորհրդային պատմության մեջ ամենամեծ խմբավորումը։

«Սա Բելառուսում ռուսական զորքերի ամենախոշոր տեղակայումն է Սառը պատերազմից ի վեր՝ 30 հազար զինվորներով»,- մեջբերում են Սթոլթենբերգի խոսքերը միջազգային լրատվական գործակալությունները։ ՆԱՏՕ-ի գլխավոր քարտուղարի խոսքով՝ այս խմբում, ի թիվս այլ բաների, ընդգրկված են հատուկ նշանակության ուժեր, Սու-35 ինքնաթիռներ, С-400 զենիթահրթիռային համակարգեր և «Իսկանդեր» հրթիռային համակարգեր։

Ռուսաստանն ու Բելառուսը պատրաստվում են նաև համատեղ զորավարժություն անցկացնել, այդ մասին հայտարարել է Բելառուսի նախագահ Ալեքսանդր Լուկաշենկոն՝ հավելելով, որ 2 երկրների միջև նաև զենքի առուվաճառքի գործարք է սպասվում:

Հիշեցնենք՝ վերջին ամիսներին արևմտյան երկրներում, ինչպես նաև Կիևում հայտարարություններ են հնչում Ռուսաստանի՝ Ուկրաինա հնարավոր ներխուժման մասին։ Ռուսաստանի Դաշնության նախագահի մամուլի քարտուղար Դմիտրի Պեսկովը նման տեղեկատվությունը դատարկ և անհիմն լարվածության սրացում էր անվանել։ Նա ընդգծել էր, որ Ռուսաստանը ոչ մեկի համար վտանգ չի ներկայացնում։ Միաժամանակ, Պեսկովը չէր բացառել նման հայտարարություններն արդարացնելու համար սադրանքների հնարավորությունը և զգուշացրել, որ Ուկրաինայի հարավ-արևելքում ճգնաժամը կարգավորելու համար ուժի կիրառման փորձերն ամենալուրջ հետևանքներն են ունենալու։

ՆԱՏՕ-ն, Եվրամիությունը, Արևմտյան տասնյակ երկրներ ու միջազգային կառույցներ, սակայն, պնդում են ճիշտ հակառակը:

Միևնույն ժամանակ, Ռուսաստանը հանդես եկավ ԱՄՆ-ի և ՆԱՏՕ-ի հետ իրավականորեն պարտավորեցնող փաստաթղթեր կնքելու նախաձեռնությամբ՝ կապված Հյուսիսատլանտյան դաշինքի կողմից Ուկրաինայի տարածքի շարունակվող, ինչպես կարծում է Մոսկվան, «ռազմական զարգացման» հետ։ Կողմերը բանակցությունների մի քանի փուլ են անցկացրել, այդ թվում՝ անձնական հանդիպում ՌԴ ԱԳ նախարար Սերգեյ Լավրովի և ԱՄՆ պետքարտուղար Էնթոնի Բլինքենի միջև, որի ժամանակ ՌԴ ԱԳ նախարարը կրկնել է, որ Ռուսաստանը չի պատրաստվում հարձակվել Ուկրաինայի վրա։

Տպել
3081 դիտում

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել