Իրանում կորոնավիրուսով վարակված 68 192 մարդկանց կեսից ավելին առողջացել են։ Այս մասին հայտնել է Իրանի Առողջապահության նախարարության պաշտոնական ներկայացուցիչ Քիանուշ Ջահանփուրը։
«Անցած մեկ օրվա ընթացքում հայտնաբերվել է կորոնավիրուսային վարակի 1.972 նոր դեպք: Հաշվի առնելով այս տվյալները՝ ընդհանուր 68192 դեպք է արձանագրվել»,- ասել է Ջահանփուրը IRINN հեռուստաալիքի եթերում։
Նրա խոսքով՝ այս թվից մահացել է 4,232 մարդ (օրական 122), վերականգնվել է 35.465 մարդ, ինչը կազմում է կորոնավիրուսային վարակի բոլոր դեպքերի կեսից ավելին: