ՀԱՊԿ քարտուղարությունում՝ ղազախական կողմի նախագահությամբ, տեղի է ունեցել ՀԱՊԿ Մշտական խորհրդի նիստը, որին մասնակցել են ՀԱՊԿ անդամ երկրների մշտական ու լիազոր ներկայացուցիչները եւ ՀԱՊԿ գլխավոր քարտուղարի տեղակալները, հաղորդվում է ՀԱՊԿ կայքում:

Քննարկել եւ մշակվել է ՀԱՊԿ հավաքական անվտանգության Կենտրոնասիական տարածաշրջանում Հակաօդային պաշտպանության միացյալ համակարգի ստեղծման մասին Համաձայնագրի նախագիծը: Փաստաթղթի նախագիծն ուղարկվել է ՀԱՊԿ անդամ պետություններին ներպետական համաձայնեցման համար:

Պաշտպանության նախարարների խորհրդի եւ ՀԱՊԿ անվտանգության խորհուրդների քարտուղարների կոմիտեի «ՀԱՊԿ մինչեւ 2025 թվականի ժամանակահատվածի համար կառավարման մարմինների համատեղ պատրաստման եւ ուժերի ու միջոցների ձեւավորման միջոցառումների ցանկի մասին» որոշման նախագծի քննարկման ու մշակման արդյունքներով որոշում է ընդունվել այն ներկայացնել պաշտպանության նախարարների խորհրդի եւ ՀԱՊԿ անվտանգության խորհուրդների քարտուղարների կոմիտեի քննարկմանը:

Քննարկվել են նաեւ մի շարք փաստաթղթեր, որոնք վերաբերել են ՀԱՊԿ ճգնաժամերի արձագանքման կենտրոնի գործունեությանը, որոնք Մշտական խորհրդի նիստի ավարտին ուղարկվել են ներպետական համաձայնեցման:

ՀԱՊԿ ձեւաչափում նախատեսված տեղեկատվության փոխանակման շրջանակում, որն անմիջաբար վերաբերում է Կազմակերպության անդամ երկրների անվտանգությանը, Հայաստանի Հանրապետության մշտական ներկայացուցիչ Դավիթ Վիրաբյանը ՀԱՊԿ Մշտական խորհրդի անդամներին տեղեկացրել է Նախիջեւանի ուղղությամբ հայ-ադրբեջանական սահմանի տեղամասում ստեղծված իրավիճակին:

ՀԱՊԿ քարտուղարությունը մտահոգված է հայ-ադրբեջանական սահմանին իրադարձությունների զարգացման դինամիկայով