1000х90.jpg (78 KB)

Երևանում՝ 11:07,   28 Մարտ 2024

Հետազոտությունը հերքել Է առողջությունը բարելավելու տարածված եղանակը

Հետազոտությունը հերքել Է առողջությունը բարելավելու տարածված եղանակը

ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: Առաջացած տարիքում ածխաջրերի օգտագործման կրճատումը, չնայած ավելի վաղ տարածված պատկերացումներին, չի բարելավում առողջությունը եւ չի երկարացնում կյանքը: Այս եզրակացությանն են հանգել Գերմանիայի Մաքս Պլանկի ընկերության Ծերանալու կենսաբանության ինստիտուտի գիտնականները. նրանց հետազոտության արդյունքները հրապարակված են MedicalXpress պորտալում, տեղեկացնում Է «Արմենպրես»-ը:

Գիտափորձի ընթացքում գիտնականները սննդակարգ են սահմանել երիտասարդ ու ծեր մկների համար: Արդյունքում պարզվել Է, որ այն կրծողները, որոնց սեռական հասունացումից հետո 40 տոկոսով պակաս ուտելիք են տվել, ավելի առողջ են եղել տարեց հասակում: Սակայն եթե կալորիաների կրճատումը տեղի Է ունեցել ծեր մկների մոտ, կյանքի տեւողությունը չի փոխվել այն կրծողների համեմատությամբ, որոնք պահպանել են սնվելու սովորական ռեժիմը:

Ավելի վաղ իտալացի փորձագետները եկել են այն եզրակացությանը, որ երիտասարդության պահպանման համար հատուկ դեր Է խաղում սնունդը: Նրանց, ովքեր չեն ցանկանում վաղաժամ ծերանալ, սննդագետները խորհուրդ են տալիս օրաբաժնի մեջ մտցնել ոչ պակաս, քան 1,1 գրամ սպիտակուց՝ քաշի մեկ կիլոգրամի հաշվով, ինչը թույլ կտա պահպանել բավարար մկանային զանգվածը: Բացի այդ, հանձնարարվում Է կերակրացանկում ներառել կաթնամթերք, ինչպես նաեւ ֆոլաթթվով հարուստ կանաչեղեն եւ հազար:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]