ԵՐԵՎԱՆ, 14 հուլիսի. /Նովոստի-Արմենիա/. Ողբերգական դեպք է տեղի ունեցել օրեր առաջ Անապայում։
Հանգստի մեկնած հայ ընտանիքի հայրը փորձել է փրկել խեղդվող դստերը, բայց մահացել է կաթվածից, այս մասին հաղորդում է
Bloknot-krasnodar.ru–ն։
Հայտնի են դարձել այդ ողբերգության ցնցող մանրամասները։ Հարազատները վրդովված են կատարված միջադեպի պաշտոնական վարկածից, որը տարածվել է ԶԼՄ-ներում: Խմբագրություն է դիմել զոհված տղամարդու կնոջ քույրը` Թերեզան։
«Իմ փեսան, նրա երկու երեխաները` Դիանան և Դավիթը, երկու դեռահասներ և ևս մեկ երեխա, նրանց բոլորին թույլ են տվել նստել մեկ կատամարան, նրանց բաճկոններ չեն տվել, թեև միշտ էլ տալիս էին։ Նրանց բաց են թողել ծով, որի ջերմաստիճանը 15 աստիճան է եղել։ Ջուրը նրանց անընդհատ հեռացնում էր ափից, փրկարարներից ոչ ոք չէր հետևում դրան», - ասել է Թերեզան։
Ինչպես հայտնել են հանգուցյալի կնոջ քույրը և մայրը, կատամարանը, որ նրանց են տվել, զինված էր թմբիկով։ Փոքր Դավիթը նրա վրայից սահել է ջրի մեջ, որտեղից նրան հայրը հանել է։ Զվարճանալու ընթացքում կատամարանից ծովն է ցատկել նաև Դիանան։
«Գարիկը հանել է իր որդուն, հետո լողացել դստեր մոտ, բայց նա այլևս այնտեղ չի եղել։ Նա մի քանի անգամ սուզվել է նրա հետևից, սակայն չի գտել։ Նա օգնություն է կանչել։ Բոլորը գոռում էին, թափահարում ձեռքերը` փորձելով գրավել լողափում գտնվողների ուշադրությունը։ Բայց բոլորի համար միևնույն է եղել», - պատմել է Թերեզան։
Загружается новость ...
"Право"
Նրա խոսքով, փեսան մահացել է վախից և խուճապից։ Կատամարանում մնացած
երեք երեխաները լողալ չեն իմացել։ Նրանք առաջին անգամ էին ծովում, ուր Հայաստանից էին եկել:
«18 տարեկան տղան, այնուամենայնիվ թռել է աղջկա հետևից։ Նա պահել է աղջկան, որքան կարողացել է: Մինչև ինքն էլ չի սկսել խեղդվել։ Չի կարողացել պահել, բաց է թողել», - պատմել է Թերեզան։
Հարազատները հայտնել են, որ լողափից հասած փրկարարները միայն չորսամյա երեխային են վերցրել և 15 տարեկան աղջկա: Կատամարանի վրա մնացած մյուս երկուսը ստիպված էին ինքնուրույն հասնել ափ: -0-