27–ամյա երևանցին դաժանորեն ծեծել է բուքմեյքերական գրասենյակի աշխատակցուհուն, ոստիկանությունն ահասարսուռ կադրեր է ներկայացնում (ՎԻԴԵՈ)

ԵՐԵՎԱՆ, 30 հունվարի. /Նովոստի-Արմենիա/. Հարձակում է կատարվել Ալեք Մանուկյան փողոցում գտնվող բուքմեյքերական գրասենյակի 55–ամյա աշխատակցուհու վրա։

Ինչպես հայտնում է ոստիկանության մամուլի ծառայությունը, միջադեպը տեղի է ունեցել հունվարի 27–ի լույս գիշերը։ Անհայտ անձը դրամարկղից վերցրել է 800 հազար դրամ և դիմել փախուստի։ Կինը բազմաթիվ վնասվածքներով հոսպիտալացվել է։

Հարուցվել է քրեական գործ։ Ոստիկանների գործողությունների շնորհիվ հունվարի 30–ի առավոտյան կասկածյալը հայտնաբերվել և բերման է ենթարկվել։

Կնոջ վրա հարձակում կատարածը Երևանի 27–ամյա բնակիչ Արտակ Աբրահամյանն է։ Նրա բնակարանի զննությամբ հայտնաբերվել է հափշտակած գումարի մի մասը, որն առգրավվել է։ Աբրահամյանը ձերբակալվել է։

Հանգամանքները պարզվում են, կատարվում է քննություն։ -0-