Կառավարության այսօրվա՝ դեկտեմբերի 21-ի նիստում, ՀՀ վարչապետ Կարեն Կարապետյանն ինքնակամ կառուցված ձկնաբուծական շինությունների օրինականացման մեխանիզմների վերաբերյալ հանձնարարական հնչեցրեց:
«Ձկնաբուծությամբ զբաղվող որոշ տնտեսություններում առկա են ինքնակամ կառուցված ձկնաբուծական շինություններ, որոնք հողամասային նպատակային նշանակության կարգավիճակի տեսանկյունից պարունակում են անհամապատասխանություն: Ներկայումս գործող կարգավորումները հաշվի առնելով հնարավորին ֆինանսական բեռը նշված անհամապատասխանությունների վերացման համար արտոնություններ են սահմանվում նոր կառուցվող ձկնաբուծական շինությունների համար, սակայն չտարածելով դրանք նախկինում կառուցվածների վրա»,- ընդգծեց նա՝ հավելելով, որ նման շինությունների օրինականացման խթանման դեպքում ակնկալվում է նաեւ տեղական բյուջեի եւ այլ վճարների ավելացում:
Վարչապետը հանձնարարեց Գյուղատնտեռսության, Բնապահպանության, տարածքային կառավարման եւ զարգացման նախարարներին, ինչպես նա անշարժ գույքի կադաստրի պետական կոմիտեի նախագահին մեկամսյա ժամկետում ուսումնասիրել եւ կառավարության աշխատակազմ ներկայացնել ուսումնասիրություններ՝ ձկնաբուծությամբ զբաղվող տնտեսություններում, բացառապես Սեւան Ազգային պարկի, տարածքի ինքնակամ կառուցված ձկնաբուծական շինությունների օրինականացման գործընթացը պարզեցնելու եւ համապատասխան արտոնություններ տրամադրելու վերաբերյալ:
