Երեխան վարակվել է ավելի վաղ կորոնավիրուս հայտնաբերված հիվանդներից մեկի հետ շփման հետեւանքով:
Կորոնավիրուսով վարակված 5 նոր հիվանդներից մեկը միչեւ 14 տարեկան երեխա է, հայտնել է Թբիլիսիի կենտրոնական ինֆեկցիոն հիվանդանոցի տնօրեն Մարինա Էզուգբայան:
Նրա խոսքերով, այսօր գրանցված երկու հիվանդները գտնվում են ինֆեկցիոն հիվանդանոցում, մյուսները տեղափոխվել են այլ հիվանդանոցներ:
«Հիվանդներից մեկը նոր աղբյուր է: Արդեն միտք չունի ճշտել, թե որ երկրի մասին է խոսքը: Միայն կասեմ, որ եվրոպական երկիր է: Երկրորդ դեպքը, որը մեր ուշադրության կենտրոնում է, դա մեր պացիենտներից մեկի հետ շփման դեպքն է, եւ նա երեխա է: Նրա ընդհանուր վիճակը չի կարելի ծանր համարել եւ, հույս ունեմ, այն չի վատանա»,- հայտարարել է Էզուգբայան լրագրողներին:
Հիվանդանոցի բժշկի խոսքերով կորոնավիրուսից հաջողվել է բուժել եւս երկու հիվանդի: Նրանցից մեկն արդեն դուրս է գրվել հիվանդանոցից, երկրորդին դուրս կգրեն այսօր:
Այսպիսով առողջացածների թիվը դարձել է 3:
Մարտի 22-ի առավոտյան տվյալներով կորոնավիրուսով վարակվածների պաշտոնական թիվը հասել էր 54-ի: 2 956 մարդ կարանտինի մեջ են, եւս 291-ը բուժվում են հիվանդանոցներում: 3 պացիենտներ առողջացել են: