«Ադեկվադ»-ի ակցիան. Պատրաստ ենք հանուն հայկական պետությունների ազգային անվտանգության՝ փոխհատուցել Արմեն Սարգսյանի ֆինանսական կորուստները
«Ադեկվադ» միաբանության անդամներն ՀՀ նախագահի նստավայրի դիմացի մայթին խաղաղասիրական ակցիա էին իրականացնում։ Ոստիկանների հարց ու փորձին ի պատասխան, միաբանության հիմնադիր Արթուր Դանիելյանը տեղեկացրեց, որ նախկինում նամակ են հասցեագրել հանրապետության նախագահին, որտեղ հարցեր են տվել, սակայն պատասխան չեն ստացել։
«Մեր խաղաղասիրական նախաձեռնության երկրորդ փուլն է։ Քանի որ արցախյան կարգավորման գործընթացի շրջանակններում ակտիվ գործընթացներ են տեղի ունենում, մենք էլ գիտակցելով, որ դա ոչ մի լավ տեղ չի տանի, փորձում ենք մաս-մաս, գործոն առ գործոն չեզոքացնել հայկական պետությունների դիրքերի վրա բացասական ազդեցությունը։ Այդ գործոններից մեկն էլ հանրապետության դե ֆակտո նախագահ, Մեծ Բրիտանիայի քաղաքացի Արմեն Սարգսյանն է, ով ըստ էության, փաստացի, բաց աղբյուրներից մեզ հայտնի է դարձել, որ նա փայ ունի ադրբեջանական գազային ու նավթային ենթակառուցվածքներում։ Այսինքն, ըստ էության այդ մարդու անձնական ֆինանսական շահերը բախվում են հայկական պետությունների ազգային անվտանգության շահերի հետ»,-իր մտահոգությունները լրագրողների հետ զրույցում ներկայացրեց Դանիելյանը։
Միաբանության անդամները վստահություն հայտնեցին, եթե նկատեցին, եթե դա Արմեն Սարգսյանի համար միայն ֆինանսական խնդիր է, ապա կարող են լուծել Սարգսյանի բարեկեցության հարցը։
«Մենք ուղղակի ցանկանում ենք պատասխան ստանալ։ Մենք արձանագրում ենք փաստը, ոչ թե ցանկանում ենք կոնֆլիկտի ճանապարհով գնալ, այլ կոնսենսուս, եզրեր գտնելու ճանապարհով։ Նամակագրական ճանապարհով չի ստացվում, տեղեկատվական դաշտում հարցեր բարձրացնելու ճանապարհով չի ստացվում։ Երևի իրար հետ պետք է քննարկենք, հասկանանք, ո՞նց անենք, որ էդ մարդն արձագանքի»,-նշեց Դանիելյանը՝ հույս հայտնելով, որ բացի բարեկեցությունից, Արմեն Սարգսյանն այլ օրակարգեր կունենա։
Միաբանության անդամները հույս ունեն, որ երկխոսությունը կստացվի, այդ ճանապարհին ստիպված չեն լինի ինչ-որ բաներ հաղթահարել։
Նրանք այս անգամ էլ նախագահականի մոտ վառելիքի տարաներ էին բերել։ Արթուր Դանիելյանն ու Կոնստանտին Տեր-Նակալյանը նամակ հանձնեցին նախագահի ընդունարան, ասացին, նախորդ անգամ էլ նամակ են փոխանցել, օրենքով նախատեսված ժամկետը սպառվել է, բայց պատասխան չեն ստացել։
«Մենք ևս մեկ անգամ նամակով դիմեցինք Հայաստանի փաստացի նախագահ Արմեն Սարգսյանին, ևս մեկ անգամ հորդորում ենք նախագահին՝ մեզ ընդառաջել ու երկխոսել, կապի դուրս գալ, սկսել բանակցությունները՝ արցախյան հիմնախնդրի կարգավորման բանակցություններում նրան որպես BT-ի (British petrolium) ներկայացուցիչ դուրս հանելու, և որպես ՀՀ նախագահ ներբեռնելու ուղղությամբ»,-ասաց նա։
Դանիելյանը տեղեկացրեց, որ բոլոր միջոցները կձեռնարկեն, կխնդրեն Արմեն Սարգսյանին, որ կոնստրուկտիվ երկխոսություն լինի։
«Մենք կփոխհատուցենք նրա կորուստները, տույժերը, իսկ նա կփոխհատուցի հայկական պետությունների ազգային անվտանգության կորուստներն ու շահերը»,-ասաց նա։
Միաբանության անդամները նաև վառելիքի մեծ տարաներ էին բերել՝ հույս հայտնելով, որ դա Արմեն Սարգսյանը կընդունի։
Հարակից հրապարակումներ`
Լրահոս
Տեսանյութեր
Ամեն սարի գլխին, փեշին, անտառներում հայկական հետքեր են. Քաշաթաղի հուշարձանները՝ մեկ գրքում