Աբխազիան փակում Է Վրաստանի հետ սահմանը այս հանրապետությունում «խոզագրիպի» (H1N1) բռնկման պատճառով՝ տեղեկացնում է interfax-ը: Ինչպես հայտնել Է Աբխազիայի պետական անվտանգության ծառայությունը, «մարդու առողջության համար վտանգավոր H1N1 վիրուսի տարածման հետ կապված համաճարակային անբարենպաստ իրադրությամբ պայմանավորված՝ հունվարի 10-ին ժամը 20:00-ից երկու ամիս ժամկետով պետական սահմանը հատելու սահմանափակում է մտցվել»:
«Վրաստանի Հանրապետության տարածքից օտարերկրյա քաղաքացիների մուտքի սահմանափակում է մտցվում, ինչպես նաև արգելք է սահմանվում Վրաստանի Հանրապետության տարածք Աբխազիայի Հանրապետության քաղաքացիների մուտքի վրա»,-ասված է ծառայության հաղորդագրության մեջ: Ավելի վաղ Վրաստանի առողջապահության նախարարությունը հաստատել է, որ տարեսկզբից երկրում «խոզագրիպից» 15 մարդ է մահացել:
