Երևան
16 °C
Կրթության, գիտության, մշակույթի և սպորտի նախարարությունում այսօր տեղի է ունեցել ԿԳՄՍ նախարարի տեղակալ Ժաննա Անդրեասյանի և ԳԹԿ տնօրենի տեղակալ Կարո Նասիբյանի մամուլի ասուլիսը:
Բանախոսները ներկայացրել են ուսուցիչների կամավոր ատեստավորման փորձնական ծրագրի ամփոփիչ տվյալներն ու բողոքարկման արդյունքները:
Նախարարի տեղակալը նշել է, որ այս տարի ատեստավորմանը մասնակցելու հնարավորություն են ունեցել 7-12-րդ դասարաններում «Հայոց լեզու և գրականություն», «Հայոց պատմություն», «Հանրահաշիվ», «Երկրաչափություն», «Ֆիզիկա», «Քիմիա», «Կենսաբանություն» և «Աշխարհագրություն» առարկաները դասավանդող ուսուցիչները: Ուսուցիչների կամավոր ատեստավորմանը մասնակցելու հայտ է ներկայացրել վերոնշյալ թիրախային խմբերի 1372 ուսուցիչ կամ ուսուցիչների 11 տոկոսը: Հայտ ներկայացրած 1372 ուսուցիչներից առարկայական գիտելիքի ստուգմանը մասնակցել է 996 ուսուցիչ, որը կազմում է դիմած ուսուցիչների 72,6 տոկոսը:
Ժաննա Անդրեասյանի խոսքով՝ առաջնային ստուգման արդյունքում ուսուցիչների 47.2 տոկոսը պետք է ստանար 30-50 տոկոսի չափով հավելավճար: Փորձնական փուլի արդյունքով, սակայն, փոփոխություն է կատարվել կամավոր ատեստավորման կարգում, և սահմանվել ատեստավորման համար անցողիկ համարվող միավորների նոր սանդղակ` իջեցնելով մինչ այդ սահմանված շեմը: Սկզբնական փուլում նախատեսված էր, որ 80-89 տոկոս արդյունք ցույց տված ուսուցիչները կստանան հավելավճար՝ 30 տոկոսի չափով, իսկ 90 և ավելի արդյունք ցույց տված ուսուցիչները՝ 50 տոկոս: Եվ ահա սանդղակն ավելի համաչափ դարձնելու տեսանկյունից կատարված փոփոխության արդյունքում՝ 70-79 տոկոս արդյունք ցույց տված ուսուցիչները կստանան հավելավճար՝ 30 տոկոսի չափով, 80-89 տոկոս արդյունք ցույց տված ուսուցիչները՝ 40 տոկոսի չափով, իսկ 90-100 տոկոս արդյունք ցույց տված ուսուցիչները՝ 50 տոկոսի չափով:
«Հավելավճարը վերաբերում է ուսուցչի հիմնական աշխատանքին: Եթե, օրինակ, նա դասավանդում է տարբեր առարկաներ, որոնցից միայն մեկով է մասնակցել գիտելիքների ստուգման գործընթացին, ապա աշխատավարձի բարձրացումը կվերաբերի նաև մյուս առարկաների ժամաքանակներին: Այսինքն՝ խոսքն ուսուցչի հիմնական աշխատավարձի մասին է»,- նշել է Ժաննա Անդրեասյանը:
Նրա խոսքով՝ կամավոր ատեստավորման բողոքարկման փուլում ստացվել է 254 դիմում, որոնց քննարկման արդյունքում՝ հավելավճար ստացող ուսուցիչների թիվն ավելացել է 13-ով: Այն փաստացի կազմել է 481 ուսուցիչ, ինչը մասնակիցների 48.5 տոկոսն է:
«Քանի որ ատեստավորումն անցած են համարվում նաև 60 և ավելի տոկոս արդյունք ցուցաբերած ուսուցիչները, ապա հաշվի առնելով վերջիններիս ցուցանիշները, ինչպես նաև բողոքարկման արդյունքները՝ կփաստենք, որ կամավոր ատեստավորումն անցել է մասնակիցների 65.2 տոկոսը»,- ընդգծել է նախարարի տեղակալը:
Նրա տեղեկացմամբ՝ նախարարությունը և ԳԹԿ-ն քննարկել են փորձնական փուլի հետ կապված բոլոր հարցերը և մանրամասն վերլուծել բոլոր բողոքները:
«Քանի որ սա փորձնական ծրագիր էր, բնականաբար, առաջին անգամ անցկացման հանգամանքով պայմանավորված՝ որոշակի ճշգրտումներ կատարելու և գործընթացն առավել բարելավելու կարիք է առաջացել: Այդ պատճառով մենք բաց ենք առաջարկներ ստանալու և դրանք քննարկելու համար: Ցանկանում եմ շեշտել, որ կամավոր ատեստավորումն ուսուցիչների աշխատավարձի բարձրացման միակ հնարավորությունը չէ. բացի այս գործիքից՝ ունենք նաև տարակարգի շնորհման գործընթաց, որը, հաշվի առնելով ուսուցչի մանկավարժական և մասնագիտական կարողությունները ու կուտակելով անհրաժեշտ կրեդիտներ, ուսուցիչներին հնարավորություն է ընձեռում ստանալու հավելավճարներ 10-50 տոկոսի չափով: Այսինքն՝ այսօր մենք ունենք ուսուցիչներ, որոնք այս երկու գործընթացի արդյունքում ստանում են հավելավճար, և կա մինչև 100 տոկոս աշխատավարձը բարձրացնելու հնարավորություն. հաշվի կառնվեն ուսուցչի թե՛ առարկայական գիտելիքները, և թե՛ մասնագիտական փորձառությունն ու մանկավարժական հմտությունները»,- շեշտել է փոխնախարարը՝ ընդգծելով, որ փոփոխություններ են նախատեսվում նաև տարակարգի շնորհման գործընթացում:
«Կամավոր ատեստավորման անցկացումն ուներ երկու նպատակ, որոնցից առաջինն իրավիճակի ախտորոշումն էր: Այսինքն՝ հասկանալ ուսուցիչների մասնագիտական զարգացման ինչ խնդիրներ ունենք, և պետությունը ինչ աջակցություն պետք է տրամադրի ուսուցչին, քանի որ մեր վերջնական նպատակը դպրոցը բարձրակարգ ուսուցիչներով ապահովելն է, որի արդյունքում կունենանք պատշաճ որակի կրթություն, այն էլ իր հերթին կձևավորի հանրային զարգացմանը նպաստող և մեր երկրին պիտանի քաղաքացի: Ատեստավորման արդյունքում մենք ստացել ենք շուրջ 1000 ուսուցչի մասնակցությամբ գործընթացի մասին տեղեկատվություն. ինչպիսի խնդիրներ կան, որ առարկայից, որ ուղղությամբ և այլն: Եվ այս ծրագրի փորձարկումը մեզ հիմք տվեց՝ հասկանալու և իրագործելու մեր հետագա անելիքները: Դրա համար ցանկանում եմ շնորհակալություն հայտնել գործընթացին մասնակցած բոլոր այն ուսուցիչներին, որոնք, չունենալով բավարար պատկերացում առաջին անգամ անցկացվող գործընթացի մասին, չվարանեցին մասնակցել, և դա շատ խրախուսելի է: Հույս ունեմ, որ հետագա տարիներին կիրականացնենք այնպիսի փոփոխություններ, որոնց արդյունքում ավելի մեծ թվով ուսուցիչներ կմասնակցեն կամավոր ատեստավորմանը և կբարելավեն իրենց աշխատանքային պայմանները»,-ասել է Ժաննա Անդրեասյանը՝ հավելելով, որ մյուս տարի նախատեսվում է 5-12 դասարանների բոլոր առարկաների շուրջ 6000 ուսուցչի մասնակցություն:
ԳԹԿ տնօրենի տեղակալ Կարո Նասիբյանն իր հերթին ներկայացրել է բողոքարկման գործընթացը: Նա նշել է, որ բողոքներ և վերահաշվարկի դիմումներ են ստացվել «Հայոց լեզու», «Հայոց պատմություն», «Աշխարհագրություն» և «Քիմիա» առարկաներից, ընդ որում՝ ամենից շատ բողոքներ ստացվել են «Քիմիա» առարկայից՝ 65 դիմում-բողոք, որից 1-ը կրկնվել է: Համապատասխան դիտարկումներ է ունեցել նաև ԵՊՀ քիմիայի ֆակուլտետը, որի դասախոսների, թեստաբանների և հանձնաժողովի անդամների մասնակցությամբ տեղի է ունեցել հանդիպում, որի ընթացքում քննարկվել են այդ դիտարկումները, և կատարվել համապատասխան եզրահանգումներ: Նա մանրամասն ներկայացրել է նաև, թե ինչպիսի բովանդակությամբ բողոքներ են ստացվել, օրինակ՝ բողոք ներկայացրած ուսուցիչները գրել են թեստի մեկ տարբերակ, սակայն բողոքարկման են ներկայացրել մեկ այլ տարբերակ:
Լրագրողների այն հարցին, թե ատեստավորումը չանցած ուսուցիչների դասավանդելու իրավունքը արդյոք կկասեցվի, նախարարի տեղակալը նշել է, որ մինչև 60 տոկոս արդյունք գրանցած ուսուցիչները համարվում են ատեստավորումը չանցած. դրանց թիվը 346 է:
«Բնականաբար, սա փորձնական ծրագիր էր, և նման արդյունքի պարագայում որևէ հետևանք չի կիրառվի, սակայն կարգով նախատեսված է, որ հաջորդ փուլերում նման դեպքերում կարիք է լինելու վերաատեստավորման, որպեսզի ուսուցիչը նորից մասնակցի և փորձի հաղթահարել շեմը: Եթե կրկին չստացվի, այդ դեպքում մենք կունենանք լուրջ մտածելու խնդիրներ: Այս պահին մենք ներկա փուլի վերլուծության և հետագա փուլերի վերանայման գործընթացում ենք, այդ պատճառով հետագայում կքննարկենք նաև այս հետևանքների կիրառման հետ կապված բոլոր հարցերը»,-պարզաբանել է Ժաննա Անդրեասյանը:
Լրագրողները նաև այլ հարցեր են ուղղել բանախոսներին, որոնք վերաբերել են դպրոցներում երկարօրյա խմբերի գործունեությանը, ուսուցչական նոր կադրերի ընդունմանը և ուսումնական գործընթացի վերսկսմանը:
102-րդ ռազմաբազայի ներկայությունը Հայաստանի ինքնիշխանության միակ իրական երաշխիքն է․ ՌԴ ԱԳՆ
Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի
Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին
Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը
Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է
Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին
Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո
Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը
Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի
«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ
«Crocus City»-ի գործով Տաջիկստանում ձերբակալվել է 9 մարդ
Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)
Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է
Ալեքսեյ Սանդիկովը կգործուղվի Մոսկվա
Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը
ԱԺ պատգամավորները կգործուղվեն Բեռլին
5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին
Հայաստանում տեղումների դադար է, ջերմաստիճանը կբարձրանա 8-10 աստիճանով
«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել
200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության
Սյունիքի մարզում դատավոր է նշանակվել
Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները
Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում
Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում
Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)
Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք
«Երևան ավտոբուս» ընկերության տնօրենն աշխատանքից ազատման դիմում է ներկայացրել
Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում
Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին
Կարեն Գիլոյանը հետևել է հեծանվուղու և մարզադպրոցի կառուցման աշխատանքներին
Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը
Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ
Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել
Երբ է սպասվում դեղձենու մասսայական ծաղկումն Արարատյան դաշտում
«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին
Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է
Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ
Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում
Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է
Լեհաստանը զորքեր կուղարկի Ֆրանսիա
© 2024 Հայկական ժամանակ