Մարդու պապիլոմա վիրուսը կարող է տանել բազմաթիվ քաղցկեղային հիվանդությունների, սակայն այդ մասին քչերը գիտեն։ Այս մասին հայտնի է դարձել սոցիոլոգիական հետազոտություններից։
Բժիշկները վաղուց ապացուցել են պապիլոմա վիրուսի կապն արգանդի վզիկի, անդամի, կոկորդի, ինչպես նաև ձվարանների, քթըմպանի և լեզվի քաղցկեղի զարգացման հետ։
Վիրուսի մասին իրազեկվածության մակարդակը կանանց մոտ ավելի բարձր է, քան տղամարդկանց շրջանում։
Այդ վիրուսից որևէ բուժում գոյություն չունի։ Սոցհետազոտություններն ուղղված են բնակչության իրազեկվածության բարձրացմանը։
Ավելի վաղ ամերիկացի գիտանականները հրապարակել էին հետազոտություն, որում ասվում էր, որ մի քանի զուգընկերների հետ օրալ սեքսով զբաղված տղամարդկանց մոտ զգալիորեն բարձրանում է գլխի և պարանոցի քաղցկեղի զարգացման ռիսկը։ Ամերիկացի մասնագետների կարծիքով՝ 2020 թվականին քաղցկեղի այդ տեսակները տարածվածությամբ առաջ կանցնեն արգանդի վզիկի քաղցկեղից։
