ԱԺ «Լուսավոր Հայաստան» կուսակցության խմբակցության ղեկավար Էդմոն Մարուքյանն, անդրադառնալով ԵԱՀԿ Մինսկի խմբի համանախագահների հայտարարությանը, մասնավորապես, նշել է .
«Ամենամտահոգիչ ձևակերպումն այն է, որ ասվում է, թե ԼՂ իրավական կարգավիճակի ապագա որոշակիացում իրավաբանորեն պարտադիր կամքի արտահայտման միջոցով, սա ըստ էության հակասում է հայկական կողմի նախկինում պահված այդ սկզբունքային մոտեցմանը, որ Արցախի Հանրապետության քաղաքացիները 1991 թվականի դեկտեմբերի 10-ին հանրաքվեով ինքնորոշվել են և դա պարտադիր իրավաբանական ուժ ունի: Մեր կողմը միշտ սա պնդել է, որ սա տեղի ունեցած փաստ է, և կրկին պնդել, որ պետք է հանրաքվե անցկացնել, նշանակում է, որ հաշվի չառնել այդ հանրաքվեն»:
«Իմ քայլը» խմբակցության պատգամավոր Վլադիմիր Վարդանյանի համոզմամբ էլ՝ «հայտարարությունը և մտահոգիչ է, և ոչ։ Մտահոգիչ է, որովհետև, կարծես թե լրացուցիչ լարվածություն է ստեղծել, և մտահոգիչ չէ, որ շատ դրական է, որ Մինսկի խումբը խոսում է, և մենք գիտենք, որ Մինսկի խմբի համանախագահության շրջանակում քննարկումները շարունակվում են»։