«Կոռուպցիայի դեմ պայքարի ռազմավարությունը շատ կարևոր է յուրաքանչյուր երկրի համար։ Գործող ռազմավարությունը մշակվել էր առանց քաղհասարակության կազմակերպությունների մասնակցության»,-«Առաջին լրատվական»-ի հետ զրույցում ասաց Իրավաբանների հայկական ասոցիացիայի նախագահ Կարեն Զադոյանը՝ անդրադառնալով կառավարության կողմից կոռուպցիայի դեմ պայքարի արդեն նոր ռազմավարության մշակման աշխատանքներին։
Նշենք, որ 2015-2018թթ. հակակոռուպցիոն ռազմավարության հայեցակարգով կառավարությունը կոռուպցիայի դեմ պայքարում է չորս ոլորտներում՝ առողջապահություն, կրթություն, պետական եկամուտների հավաքագրում և ոստիկանություն:
Հիմա նոր ռազմավարություն է մշակվում, որը դեռ վերջնական տեսք չունի։ Մինչդեռ միայն նախորդ ռազմավարության համար ԱՄՆ ՄԶԳ-ն ՀՀ հակակոռուպցիոն ռազմավարությունն ու դրանից բխող միջոցառումները կյանքի կոչելու համար 750 հազար ԱՄՆ դոլար էր հատկացրել։
Իսկ ՀՀ կառավարությունը մասնակցում էր ծրագրի համաֆինանսավորմանը մինչև 25 տոկոսի չափով։
Կարեն Զադոյանի խոսքով, այնպես չէ, որ գործող ռազմավարության շրջանակներում ոչինչ չի արվել։ Իրենց համառ ջանքերի արդյունքում երկրում քրեականացվել է ապօրինի հարստացումը, Ազդարարների պաշտպանության համակարգն է ներդրվել, ինչպես նաև հակակոռուպցիոն կանխարգելիչ մարմնի ստեղծման և գործունեության վերաբերյալ գործունեությունն է ընդունվել, գնումների համակարգում իրականա սեփականատերերի ինստիտուտն է ներդրվել և մի շարք այլ բարեփոխումներ։
«Սա խոսում է այն մասին, որ երբ պետությունը և քաղաքացիական հասարակությունը համագործակցում են, այդ ռազմավարությունը և միջոցառումների ծրագրերը դառնում են ավելի իրատեսական և կանխատեսելի»,-ասաց Զադոյանը։
Առավել մանրամասն՝ տեսանյութում