Թուրքիայի Քոնիա նահանգում անչափահասի նկատմամբ սեռական ոտնձգության մեղադրանքով  դատարանի առաջ է կանգնել իրեն հեքիմ ներկայացրախ 55–ամյա Մ.Շ.–ն։

Թուրքական Milliyet–ի փոխանցմամբ՝ Քոնիայում 17–ամյա աղջիկը ավտովթարից հետո մեջքի ցավերի հետ կապված դիմել է ժողովրդական մեթոդներով աշխատող հեքիմ Մ.Շ.–ին։

Աղջիկը հոր հետ է այցի գնացել, սակայն հեքիմը պահանջել է, որ հայրը դրսում սպասին, մինչ ինքը սեանսը կավարտի։ Այդ ընթացքում հեքիմը աղջկան ասել է, որ պետք է ջինին հանել աղջկա մեջից, որից հետո նրա մեջքն այլեւս չի ցավի, եւ որպեսզի աղջիկը ջինից չվախենա, կապել է նրա աչքերը։ Այնուհետ հեքիմը սկսել է շոյել աղջկա մարմինը եւ կրծքերը։ Աղջկը հասկացել է, որ իր կրծքերը շոյելով դժվար ջինը դուրս գա իր մեջից, դուրս է եկել եւ ամեն ինչ պատմել հորը։

Հայրն էլ անմիջապես դիմել է ոստիկանություն։ Հեքիմին մեղադրանք է առաջադրվել անչափահասի նկատմամբ սեռական ոտնձգություն իրականացնելու մեղադրանքով։