NASA-ն Վանդերբերգի կայանից Insight մարսագնան է արձակել։ 2011-ից հետո սա առաջին սարքն է, որը ԱՄՆ-ն ուղարկել է Մարս, այն պետք է մոլորակում վայրէջք կատարի 2018-ի նոյեմբերի 28-ին, հայտնում է ՌՈսբալտը։
Ենթադրվում է, որ առաքելությունը կտևի մարսյան մեկ տարուց քիչ ավելի երկար կամ 728 եկրային օր։
Մարսագնան հետազոտելու է մոլորակի ներքին կառուցվածքը (առաքելության անվանումը վերծանվում է որպես Interior Exploration using Seismic Investigations, Geodesy and Heat Transport ՝ «Ներքին կառուցվածքի ուսումնասիրություն՝ սեյսմոլոգիական ու գեոդեզիական հետազոտությունների ու ջերմության փոխադրման միջոցով)։
NASA-ի մասնագետների կարծիքով՝ այն տվյալները, որոնք կփոխանցի InSight-ը, թույլ կտան պատասխանել Արեւային համակարգի մեջ մտնող երկրային խմբի մոլորակների ձեւավորման մասին հարցերին։ Խոսքը Մարսի, Մերկուրիի, Վեներայի ու Երկրի, նաեւ էկզոմոլորակների մասին է։ Բացի դրանից՝ InSight-ը ստոււգելու է տեկտոնական ակտիվությունը Մարսի վրա ու ուսումնասիրելու է մետեորիտների ազդեցությունը մոլորակի վրա։
InSight—ի հետ միասին Atlas V հրթիռի վրա արձակվել են Mars Cube One (MarCO) երկու փոքր սարքեր։ Դրանք մարսագնայի թռիչքի ու վայրէջքի մասին տեղեկություններ են փոխանցելու Երկիր իրական ժամանակի ռեժիմում։ Փաստորեն մարսյան առաքելությունը թեստ է լինելու MarCO-ի համար, եթե նման հաղորդակցությունը հաջող լինի՝ այն կգործածեն մյուս մոլորակների ապագա հետազոտությունների համար։