Բրյուսելը, Վաշինգտոնը և Լոնդոնը դիմել են Մինսկին
Եվրամիությունը, Մեծ Բրիտանիան, Շվեյցարիան և ԱՄՆ-ը կոչ են արել Բելառուսի իշխանություններին կատարել իրենց միջազգային պարտավորությունները` հարգել հիմնարար ժողովրդավարական ազատությունները և մարդու իրավունքները, ինչպես նաև հետաքննել բողոքի գործողությունների ընթացքում կատարված չարաշահումներն ու հանցագործությունները և պատասխանատվության ենթարկել մեղավորներին:
Վեստի.ռու-ի հաղորդմամբ, այս մասին ասվում է նշված երկրների և ԵՄ-ի դիվանագիտական առաքելությունների համատեղ հայտարարության մեջ:
Բրյուսելը, Լոնդոնը, Բեռնը և Վաշինգտոնը նույնպես հայտարարել են իրենց համերաշխությունը բելառուս ժողովրդին, «ինչը պահանջում է մարդու հիմնարար իրավունքների և ազատությունների պահպանում ազատ և արդար ընտրությունների անցկացման միջոցով»: Ինչպես նշվում է հայտարարության մեջ, հանրապետության ողջ տարածքում շարունակվող խաղաղ ցույցերը «վկայում են Բելառուսի ժողովրդի վճռականության և խիզախության մասին՝ ժողովրդավարական փոփոխությունների ձգտման գործում»:
Բացի այդ, փաստաթղթում կոչ կա Բելառուսի իշխանություններին ՝ դադարեցնելու «բռնությունն ու սեփական քաղաքացիների դեմ ռազմական ուժը կիրառելու սպառնալիքները» և պահանջ՝ «անհապաղ և անվերապահորեն ազատ արձակել բոլոր անարդար ձերբակալվածներին»։
Միևնույն ժամանակ, Մինսկում ԱՄՆ դեսպանատունը դիմել է Բելառուսի ղեկավարությանը` լրագրողների հետապնդումները և ընդդիմադիր լրատվամիջոցների արգելափակումը դադարեցնելու կոչով:
Հարակից հրապարակումներ`
- Բելառուս պատգամավորը տեղեկացրել է, որ իրեն սպառնում են
- Լուկաշենկոյի կարծիքով ՝ Բելառուսում բողոքի ցույցերի հետևում կանգնած է Արևմուտքը
- Փորձագետ. Ռուսաստանը կարող է իրեն թույլ տալ վերաֆինանսավորել Բելառուսի պարտքը
- Մերկելը հույս ունի, որ Ռուսաստանը անվտանգության ներկայացուցիչներին չի ուղարկի Բելառուս
- Բելառուսում «ամենաթողությունը» ավարտին է մոտենում. Լուկաշենկո
- Պուտինը հայտնել է Բելառուս Ռուսաստանի ուժայինների մուտք գործելու պայմանները
- Բելառուսի իշխանությունները փչացնում են ռուս լրագրողների անձնագրերը
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ