ԱՄՆ նախագահ Դոնալդ Թրամփը Իսրայելի վարչապետ Բենիամին Նեթանյահուի հայտարարությունների լույսի ներքո Իրանի միջուկային ծրագրի շուրջ իրավիճակն անընդունելի է համարել: Այս մասին Սպիտակ տան Վարդագույն այգում ապրիլի 30-ին Նիգերիայի առաջնորդ Մուհամմադ Բուխարիի հետ համատեղ մամուլի ասուլիսի ժամանակ ասել է Թրամփը:
Նա չի մանրամասնել՝ արդյոք ԱՄՆ-ն դուրս կգա ԳՀՀԾ-ից, հաղորդում է ՏԱՍՍ-ը:
«7 տարի անց այդ գործարքի ժամկետը կլրանա, եւ Իրանն առաջ գնալու եւ միջուկային զենք ստեղծելու իրավունք կունենա: Դա անընդունելի է», - ասել է ԱՄՆ նախագահը:
Ավելի վաղ այսօր Իսրայելի վարչապետ Բենիամին Նեթանհայուն Իրանին միջուկային զենքի արխիվները թաքցնելու մեջ էր մեղադրել:
Իրանի հետ միջուկային գործարքը հիմնված է ստի եւ խաբեության վրա. Նեթանյահու
Իսրայելը կիսվել է ԱՄՆ-ի հետ Իրանի միջուկային նախագծի մասին բացահայտած տեղեկություններով. Նեթանհայու