Լավրով. ՌԴ–ն ակնկալում է ԼՂ հակամարտության շուրջ բանակցություններ ՀՀ–ում կառավարության ձևավորումից հետո

12:43

15 Դեկտեմբերի 2018

ԵՐԵՎԱՆ, 15 դեկտեմբերի./Նովոստի–Արմենիա/. Ռուսաստանն ակնկալում է, որ Ադրբեջանն ու Հայաստանը կվերսկսեն ղարաբաղյան հակամարտության շուրջ բանակցությունները, երբ Երևանում ձևավորվի կառավարությունը` վերջերս կայացած խորհրդարանական ընտրությունների արդյունքների հիման վրա։

Այս մասին ուրբաթ հայտարարել է ՌԴ ԱԳ նախարար Սերգեյ Լավրովը, ով մասնակցել է Սևծովյան տնտեսական համագործակցության կազմակերպության ԱԳ նախարարների խորհրդի նիստին, հաղորդում է ՏԱՍՍ–ը։

«Նախօրեին ես երկար և մանրամասն զրույց եմ ունեցել Ադրբեջանի նախագահ Իլհամ Ալիևի հետ։ Մենք զգացինք, որ անկեղծ տրամադրված է վերսկսել բանակցությունները` կառուցողական լուծում փնտրելու նպատակով», – նշել է ՌԴ ԱԳ նախարարը։

Загружается новость ... "Лево"

Նա նաև ընդգծել է, որ Ռուսաստան, որպես երկիր, որը Ադրբեջանի և Հայաստանի մտերիմ գործընկերն ու ԵԱՀԿ ՄԽ համանախագահն է, կանի ամեն ինչ, որպեսզի ստեղծի անհրաժեշտ պայմաններ փոխզիջման հասնելու համար։

Լավրովը հիշեցրել է, որ ավելի վաղ արդեն կայացել են շփումներ երկու երկրների առաջնորդների և ԱԳ նախարարների միջև, սակայն դրանք տեղի են ունեցել մինչև Հայաստանում կայացած խորհրդարանական ընտրությունները։

«Հիմա, երբ այդ փուլն արդեն հետևում է, պետք է ձևավորվի կառավարությունը, ինչից հետո, կարծում եմ, հայկական կողմը պատրաստ կլինի ադրբեջանցիների և ԵԱՀԿ ՄԽ համանախագահների հետ միասին վերսհսկել բանակցային գործընթացը», – ավելացրել է ՌԴ ԱԳ նախարարը։

Հիշեցնենք, որ նախօրեին ՀՀ վարչապետի պաշտոնակատար Նիկոլ Փաշինյանը Twitter–ի իր էջում գրառում էր կատարել` նշելով, որ ԼՂ կարգավորումը պահանջում է բոլոր կողմերի անկեղծ ջանքերը։

«Ղարաբաղյան հակամարտության խաղաղ կարգավորումը մեզ համար մնում է գլխավոր առաջնահերթություն։ Մենք կշարունակենք խաղաղ գործընթացն` ի շահ տարածաշրջանային խաղաղության և անվտանգության։ Կարգավորումը պահանջում է բոլոր կողմերի անկեղծ ջանքերը», – նշել է Նիկոլ Փաշինյանը։–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Լավրով #ԼՂ հակամարտություն #Հայաստան #բանակցություն #Ադրբեջան

Թեմատիկ նյութեր