Ամերիկացի դերասանուհի Ջեսիկա Չեսթեյնը «Գիշերային շոու Ջիմի Ֆելոնի հետ» հաղորդման ժամանակ հայտարարել է, որ «Օնո» սիքվելն ամենաարյունալի ֆիլմն է: Հարցազրույցը հրապարակվել է The Tonight Show Starring Jimmy Fallon YouTube-ալիքում:
Դերասանուհին Անդրես Մուսքեթիի նոր ֆիլմում մարմնավորել է Բեվերլի Մարշին: Նրա խոսքերով, ֆիլմի տեսարաններից մեկի նկարահանումների ժամանակ արյան ամենամեծ քանակն է օգտագործվել կինոյի պատմության մեջ:
«Ահա թե ինչ կասեմ. հաջորդ օրը ես աչքերիցս արյուն էի հանում, բայց ոչ իսկական, կեղծ, կեղծ արյուն»,- ասել է Չեստեյնը:
90-ականներին, Սթիվեն Քինգի «Օնո» վեպի հիման վրա մինի սերիալ է թողարկվել Թիմ Քարիի գլխավոր դերակատարմամբ: 2017-ին Մուսքեթին յոթ երեխաների մասին պատմող ֆիլմ է նկարահանել, որոնց տանջում է ծաղրածու Պենիվայզը: Ժապավենի երկրորդ մասի համաշխարհային պրեմիերան տեղի կունենա սեպտեմբերի 5-ին: