ԵՐԵՎԱՆ, 16 հուլիսի./Նովոստի–Արմենիա/. Նախօրեին` հուլիսի 15-ին, վրաերթ է տեղի ունեցել Երևանում:
Shamshyan.com–ի հաղորդմամբ, ժամը 19:00-ի սահմաններում Երևան քաղաքի բնակիչ 27-ամյա Մանվել Սիրունյանն իր վարած BMW մակնիշի ավտոմեքենայով Արշակունյաց պողոտայում, Թերլեմեզյանի անվան գեղարվեստի ինստիտուտի դիմաց, վրաերթի է ենթարկել փողոցը չթույլատրելի հատվածով անցնող հետիոտնին:
Загружается новость ... "Лево"
Վարորդը փախուստի չի դիմել, ահազանգել է 1-03, այնուհետև օգնել է վրաերթի ենթարկվածին տեղափոխել Էրեբունի բժշկական կենտրոն:
Ոստիկանությունը պարզում է վրաերթի ենթարկվածի ինքնությունը, ով կլինի մոտ 80-85 տարեկան տղամարդ:
Կայքի հաղորդմամբ, հետիոտն անցել է չթույլատրված հատվածով այն դեպքում, երբ վրաերթի վայրից 40 մետր այն կողմ վերգետնյա անցում կա։
Կայքի հաղորդմամբ, վարորդը տեղում ենթարկվել է սթափության փորձաքննության, ու պարզվել է, որ նա գտնվում է սթափ վիճակում:–0–