Փաշինյան․ Գերիներ միշտ եղել են, երբեք ավելի մեծ թվով չեն վերադարձել, քան նոյեմբերի 9-ից հետո 20 հունվարի 2021 - 19:22 AMT PanARMENIAN.Net - Երկար տարիներ ՀՀ-ից գերիներ են եղել Ադրբեջանում, այժմ գերիների թիվը մեծ է, բայց եթե այդ տրամաբանությամբ նայենք, այդ ամբողջ ընթացքում երբեք ավելի մեծ թվով գերիներ ՀՀ չեն վերադարձվել, քան նոյեմբերի 9-ից հետո, հայտարարել է վարչապետ Նիկոլ Փաշինյանը։ Նա պատասխանել է «Լուսավոր Հայաստան» խմբակցության պատգամավոր Գևորգ Գորգիսյանի դիտարկմանը, թե Մոսկովյան բանակցություններից հետո գերիների վերադարձի հարցը որևէ լուծում չի ունեցել, և Փաշինյանը պետք է հրաժարական տա։ «Բավականին երկար տարիներ ՀՀ-ից միշտ գերիներ են եղել Ադրբեջանում։ Հիմա պարզ է, որ գերիների թիվը մեծ է, բայց եթե այդ տրամաբանությամբ նայենք, այդ ամբողջ ընթացքում երբեք ավելի մեծ թվով գերիներ ՀՀ չեն վերադարձվել, քան վերադարձվել են նոյեմբերի 9-ից հետո։ Հիմա իմ հարցը հետևյալն է, ինչո՞ւ այս դահլիճում այդ հարցն այդ երկար տարիների ընթացքում չի հնչել»,-հայտարարել է Փաշինյանը։ Նա նշել է, թե իրեն հարցեր են տալիս «էժան քաղաքական միավոր» շահելու համար։ Ըստ վարչապետի՝ ինքը դեռ չի տեսել ընդդիմադիր դաշտում մի հայտարարություն, որն առնվազն չվնասի գերիների վերադարձի հարցին։ «7-8 տարի Հայաստանից գերիներ են եղել Ադրբեջանում։ Ինչո՞ւ այդ մասին չէիք հարցնում նախկինում։ 2․5 տարի սոցիալական ցանցերում, հարթակներում և այլն խոսք էր գնում, որ այ էս մարդկանց կառավարությունը ինչու չի վերադարձնում։ Էդ մարդկանց կառավարությունը վերադարձրել է։ Նախկինում ոչ մի անգամ այդպիսի ծավալով գերիների վերադարձ տեղի չի ունեցել։ Կներեք, երբ դուք ասում եք, որ մենք որպես իշխանություն ի վիճակի չենք սպասարկելու Հայաստանի շահը, ես էլ ասում եմ, որ դուք՝ որպես ընդդիմություն, առավել ևս ի վիճակի չեք սպասարկել Հայաստանի շահը»,- ասել է Փաշինյանը՝ հավելելով, որ նման շեշտադրումներով վտանգում են գերիների կայքն ու առողջությունը։ Հայկական կողմից Ադրբեջանում գտնվող գերիների մասին հստակ թվական տվյալներ չկան։ Ըստ իշխանության՝ անուններ չեն հրապարակվում, անհետ կորած համարվող, սակայան հնարավոր գերության մեջ գտնվողների կյանքը չվտանգելու համար։ Հայտնի է, սակայն, որ շիրակցի 6 տասնյակից ավելի կամավորական է գերեվարվել՝ նոյեմբերի 10-ի պատերազմի դադարեցման հայտարարությունից հետո։   Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Վերջին լուրեր Թրյուդո․ Պետք է հիշենք և հարգենք Հայոց ցեղասպանության զոհերի հիշատակը  Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիսԹուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբԹուրքիայի ԱԳՆ-ն դժգոհել է Հայոց ցեղասպանության մասին տարբեր երկրների հայտարարութուններից Թուրքիայի ԱԳՆ-ն կոչ է արել «բոլոր կողմերին սատարել համատեղ պատմական հանձնաժողովի ստեղծման առաջարկին»Մայր աթոռում Հայոց ցեղասպանության նահատակների ոգեկոչման արարողություն է եղել Հավատացյալների խոնարհումի համար դուրս էր բերվել նաև Հայոց Ցեղասպանության սրբոց նահատակաց մասունքարանը |
