Չինաստանի Xi Guan տարրական դպրոցի տնօրենը ուսումնասիրել է խորեոգրաֆիայի հիմունքները: Այժմ նա ամեն դասամիջոցի երեխաների հետ պարում է ռիթմիկ երաժշտության ներքո: Նման ձևով տնօրենը որոշել է պայքարել մանկական ճարպակալման դեմ: Տեսանյութը հրապարակել է South China Morning Post պարբերականը:
Շանսի գավառի Xi Guan տարրական դպրոցում պատահական չի ձևավորվել այս անսովոր ավանդույթը: Տնօրեն Չժանգ Պենգֆեյին անհանգստացրել է աշակերտների պասիվ վարքագիծը և որոշակի աշակերտների մոտ ավելորդ քաշի առկայությունը, ինչը համակարգիչների և հեռախոսների առջև գամված լինելու հետևանք է:
Այսպես, Չժանգ Պենգֆեյը որոշել է պայքարել մանկական ճարպակալման դեմ: Դրա համար նա ինքնուրույն սովորել է պարը և ներկայացրել աշակերտներին: Երեխաներն ըստ արժանվույն են գնահատել տնօրենի գաղափարը: Այժմ սովորողներն ու ղեկավարը յուրաքանչյուր դասամիջոցի հաստատության բակում ֆլեշմոբ են կազմակերպում:
Տնօրենի հնարամտությունն ու ստեղծագործական մոտեցումը գնահատվել է աշխարհի սոցցանցերի օգտատերերի կողմից: