Ռուսաստանին ձեռնտու չէ Հայաստանի ու Իրանի միջեւ գազային համագործակցության խորացումը։ Այս մասին NEWS.am –ի թղթակցի հետ զրույցի ժամանակ հայտնել է քաղաքագետ Հայկ Մարտիրոսյանը։
Միաժամանակ Մարտիրոսյանը շեշտել է, որ Մոսկվայում հոյապակ հասկանում են, թե ինչ սպառնալիքների կարող է հանգեցնել Երեւանին ամբողջովին ինքնուրույնությունից զրկելը։
Մեկնաբանելով theiranproject.com լրատվական կայքին տված հարցազրույցում Իրանի Գազի ազգային ընկերության միջազգային հարցերով բաժնի տնօրեն Բեգդազ Բաբազադեի հայտարարությունը, որում նա նշել էր, որ իրանական կողմը մտադիր է բավարարել Հայաստանի հարցումը՝Հայաստան իրանական գազի մատակարարումները ավելացնելու մասին, նաեւ Հայաստանի հետ նոր համաձայնագիր կնքել, որպեսզի մատակարարված գազի դիմաց վճարումը փողով արվի, քաղաքագետը նշեց, «Իհարկե, ռուսական կախումից ազատվել չի հաջողվի, ու խնդիրը դա չէ։ Խնդիրն ընդամենը փոքր դիվերսիֆիկացումն է։ Կախման փոքր նվազեցումը դեռ չի նշանակում խնդրի լուծում։ Սակայն, դա որոշակի քայլ է, որն ուղղված է մեջքը թեթեւակիորեն ուղղելուն»։
