ԵՐԵՎԱՆ, 6 հոկտեմբերի. /Նովոստի Արմենիա/. Հայ գրոսմայստեր Լևոն Արոնյանը ուրբաթ նշում է ծննդյան օրը։ Արոնյանը 2005-ի աշխարհի գավաթակիր է, Հայաստանի հավաքականի կազմում 37-րդ, 38-րդ և 40-րդ համաշխարհային օլիմպիադաների, 2011 թ. աշխարհի թիմային առաջնության հաղթող, բազմաթիվ գերմրցաշարերի, ՖԻԴԵ-ի Մեծ մրցանակի, Բիլբաո–Մեծ սաղավարտի հաղթող, 2009-ի արագ շախմատի աշխարհի չեմպիոն, 2006-ի և 2007-ի Ֆիշերի շախմատի աշխարհի չեմպիոն, 2010-ի կայծակնային շախմատի աշխարհի չեմպիոն, 2002-ի Հայաստանի չեմպիոն։
2011-ին Մոնակոյում նա մասնակցեց «կույր» և արագ շախմատի «Ամբեր» ավանդական մրցաշարին և դարձավ նրա վերջին հաղթողը (մրցաշարն այլևս չի անցկացվելու)։ Երկու տարի անընդմեջ` 2005-ին և 2006-ին, մարզական լրագրողների հարցմամբ ճանաչվել է Հայաստանի լավագույն մարզիկ։ 2013-ի օգոստոսի 1-ի դրությամբ անհատական վարկանիշով աշխարհի 2-րդ շախմատիստն է (2813)։
Արոնյանը սկսել է շախմատ խախալ 9 տարեկան հասակում։ Շախմատ խաղալ նրան սովորացրել է ավագ քույրը։ Արդեն 12 տարեկանում նա դարձել է պատանիների աշխարհի չեմպիոն։
Загружается новость ...
"Право"
Հետագայում Արոնյանը բազմաթիվ հաղթանակներ է տարել երիտասարդական մրցաշարերում։ Երիտասարդ շախմատիստի համար ամենակարևորն էր 2002 թ.–ին Գոայում անցած մրցաշարը, երբ նա դարձավ մինչև 20 տարեկանների երիտասարդների աշխարհի չեմպիոն։ Հենց այդ ժամանակ նրա ընտանիքը Հայաստանից տեղափողվեց Գերմանիա։
2000 թվականներին Արոնյանը մեծ հաջողություններ գրանցեց միջազգային մրցաշարերում։ Լուրջ կարիերայի առաջին փուլն ավարտվեց 2005 թվականին Խանտի Մանսիյսկում անցկացված մրցաշարի հաղթանակով, ինչից հետո հայ գրոսմայստերը հնարավորություն ստացավ պարբերարար մասնակցել հավակնորդների մրցաշարին։
Նրա հաշվին են գրանցված մեր ժամանակների ամենահեղինակավոր մրցաշարերի հաղթանակները` Վեյք անԶեյում, Լինարեսում, Տալեում, Բիլբաոյում։ 2009 թվականին Արոնյանը վաղաժամկետ հաղթանակ տարավ ՖԻԴԵ–ի Գրան–Պրի մրցաշարում։
Այս տարվա սեպտեմբերի 27–ին Արոնյանը նորից նվաճեց շախմատի աշխարհի գավաթը, իսկ սեպտեմբերի 30–ին ամուսնացավ ֆիլիպինուհի շախմատիստ, երևանյան «Ճամփորդ» ամսագրի գլխավոր խմբագիր Արիանա Կաոիլիի հետ։ –0–