Խուան Մարտին դել Պոտրոն դուրս եկավ ԱՄՆ բաց առաջնության քառորդ եզրափակիչ
11:04, 3 Սեպտեմբեր 2018
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: Օլիմպիական խաղերի փոխչեմպիոն արգենտինացի թենիսիստ Խուան Մարտին դել Պոտրոն շարունակում է պայքարը ԱՄՆ բաց առաջնությունում:
«Արմենպրես»-ի հաղորդմամբ` տղամարդկանց մենախաղի 4-րդ փուլում դել Պոտրոյի հակառակորդը խորվաթ Բորնա Չորիչն էր: Երկու ժամից ավելի ձգված մրցախաղում արգենտինացին հաղթեց բոլոր երեք սեթերում՝ 6:4, 6:3, 6:1:
ԱՄՆ բաց առաջնությունն անցկացվում է 1881 թվականից: Այն համարվում է «Մեծ սաղավարտի» չորս մրցաշարերից մեկը (մյուս երեքը՝ Ուիմբլդոն, Ավստրալիայի բաց առաջնություն, Ռոլան Գարոս): Տղամարդկանց մենախաղի գործող չեմպիոնը Ռաֆայել Նադալն է, իսկ կանանցը` Սլոան Սթիվենսը: Մրցաշարը կեզրափակվի սեպտեմբերի 8-ին:
Բաժանորդագրվեք մեր ալիքին Telegram-ում