ՀՀ մշակույթի փոխնախարարի պաշտոնակատար Տիգրան Գալստյանը ֆեյսբուքյան իր էջում անդրադարձել է «Հայաստանի փոքրիկ երգիչներ»-ի` Արամի 23 հասցեում գտնվող շենքի պատի փլուզման պատճառներին:
Նա հայտնել է, որ «Փոքրիկ երգիչներ»-ի շենքը (Արամի 23) վթարային է դարձել անմիջապես հարակից հողակտորում ստորգետնյա ավտոկայանատեղիի համար փորված փոսորակի հետևանքով: Ստորգետնյա ավտոկայանատեղիի շինթույլտվությունը տվել է Երևանի քաղաքապետարանը (Տարոն Մարգարյանի ժամանակ) և հետևաբար վթարային վիճակի համար պատասխանատու է Երևանի քաղաքապետարանը (որպես իրավահաջորդ):
Գալստյանը կարծում է, որ այս պարագայում մշակույթի նախարարությանն ուղղվող մեղադրանքներն անհասկանալի են, քանի որ նախարարությունն արել է իր լիազորությունների սահմաններում ամեն հնարավոր և անհնարին բան, որպեսզի խուսափեն այս իրավիճակից:
«Արամի 23-ի անմիջապես պատի հիմքերի մոտ փորված փոսորակի հետևանքով խարխլված հիմնատակի ամրակայման նախագիծ մշակույթի նախարարություն չի ներկայացվել:
Հ.գ. դեռ օգոստոսին մշակույթի նախարարությունը դատախազութուն է դիմել հուշարձան շենքը վնասելու մասով, կասկած չունեմ, որ մեղավորները կպատժվեն»,- գրել է նա:
