Հեռացող տարին տնտեսության իմաստով զարմանալիորեն տարբերվում էր 2016-ից: Այս մասին դեկտեմբերի 29-ին լրագրողների հետ հանդիպման ժամանակ ասաց տնտեսագետ Ատոմ Մարգարյանը:
Այսպես՝ նրա խոսքով՝ 11 ամիսների ընթացքում տնտեսական ակտիվությունը 7,3 տոկոս է կազմել: «Այս ցուցանիշն, իհարկե, ձեռք է բերվել անցյալ տարվա բավականին ցածր թվի ֆոնին, որը կազմել է ընդամենը 0,2 տոկոս: Բնականաբար, եթե ընդհանրացնելու լինենք, ապա այս տարվա 12 ամիսներին այս ցուցանիշը դեռեւս կնվազի մինչեւ 5,5-6 տոկոս»,- պարզաբանեց Մարգարյանը՝ հավելելով, որ ցանկացած դեպքում, տնտեսության զարգացման տեսակետից այս ցուցանիշը կարելի է ձեռքբերում համարել:
Նրա խոսքով, սակայն, այս աճին նպաստել են արտաքին գործոնները, ինչպիսին է պղնձի գնաճը, ինչն աննախադեպ էր, ինչպես նաեւ ռուսական շուկայի դրական կոնյունկտուրան, որը թույլ տվեց մեծացնել Հայաստանից արտահանման ծավալները: Սակայն, ինչպես ընդգծեց Ատոմ Մարգարյանը, այս աճն անբարար է երկրում ընդհանուր տնտեսական վիճակը փոխելու համար: