1000х90.jpg (78 KB)

Երևանում՝ 11:07,   28 Մարտ 2024

Կրակել էր գազային ատրճանակից․ Քանաքեռ-Զեյթունի ոստիկանների բացահայտումը

Կրակել էր գազային ատրճանակից․ Քանաքեռ-Զեյթունի ոստիկանների բացահայտումը

ԵՐԵՎԱՆ, 2 ՀՈՒՆՎԱՐԻ, ԱՐՄԵՆՊՐԵՍ։ Ֆանարջյան փողոցում ունվարի 1-ին, ժամը 16.00-ին վիճաբանության և կրակոցի ձայն էր լսվել։

Ինչպես «Արմենպրես»-ին հայտնեցին ՀՀ ոստիկանության լրատվության և հասարակայնության հետ կապերի վարչությունից, մոտակայքում ծառայություն իրականացնող ոստիկանության ՊՊԳՎ Քանաքեռ-Զեյթունի պահպանության բաժնի ծառայողը պահակակետ էր հրավիրել 56-ամյա մի տղամարդու:

Ոստիկանության Քանաքեռ-Զեյթունի բաժնից մեկնած օպերատիվ խմբի ծառայողները պարզել են, որ ժամը 15.00-ին Ազատության պողոտայից Ֆանարջյան փողոցն ընկած ճանապարհահատվածում «Օպել» մակնիշի ավտոմեքենայի սրահում 56-ամյա տղամարդը վիճաբանել էր ծանոթի հետ, որը մի քանի անգամ հարվածել էր տղամարդու դեմքին՝ պատճառելով մարմնական վնասվածքներ, իսկ Ֆանարջյան փողոցում ավտոմեքենայից իջնելուց հետո ծանոթը կրակել էր իր մոտ եղած գազային ատրճանակից։

Դեպքի վայրի զննությամբ հայտնաբերվել է պարկուճ։

Տղամարդուց ընդունվել է հաղորդում:

Նշանակվել է դատաբժշկական փորձաքննություն:

Ոստիկանության Քանաքեռ-Զեյթունի բաժնի քրեական հետախույզների ձեռնարկած միջոցառումների շնորհիվ պարզվել է ատրճանակից կրակած անձի ինքնությունը։ Բացատրական աշխատանքի շնորհիվ հունվարի 2-ին, ժամը 01.40-ին, 30-ամյա տղամարդը ներկայացել է ոստիկանության Քանաքեռ-Զեյթունի բաժին, տվել խոստովանական բացատրություն և ներկայացրել գազային ատրճանակը։
Նշանակվել է փորձաքննություն:

Կատարվում է քննություն։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]