Իսրայելն ուրախ չէ Սիրիայում Ս-300-ի հայտնվելու համար, սակայն չի կարող հրաժարվել հարեւան երկրում ռազմական գործողություններից: Այս մասին տեղական «Կան-ՌԷԿԱ» ռադիոկայանի հետ հարցազրույցում ասել է Իսրայելի պաշտպանության նախարար Ավիգդոր Լիբերմանը:
Նա առաջին անգամ մեկնաբանել է իր ռուս գործընկեր Սերգեյ Շոյգուի երեկվա հայտարարությունը՝ Իլ-20-ի կործանմանն ի պատասխան սիրիացիներին ԶՀՀ փոխանցելու մասին: Սեպտեմբերի 17-ին ՌՏՈՒ հետախույզ օդանավը՝ 15 զինծառայողներով խոցվել էր Սիրիայի ՀՕՊ կողմից իսրայելական ավիացիայի հերթական հարձակումը հետ մղելիս, որին Մոսկվան մեղավոր է համարում ողբերգական պատահարի համար:
«Ես չեմ կարող ասել, որ ուրախ ենք Ս-300-ի առկայության համար: Դրա հետ մեկտեղ, սա այն նույն թեման է, որտեղ մենք ոչ մի ելք չունենք: Այստեղ որոշում չկայացնելու ոչ մի հնարավորություն չկա»,- ասել է Լիբերմանը: