ТАСС-ը շնորհավորել է «Արմենպրես»-ին հիմնադրման 104-րդ տարեդարձի առթիվ
ԵՐԵՎԱՆ, 18 ԴԵԿՏԵՄԲԵՐԻ, ԱՐՄԵՆՊՐԵՍ։ Ռուսաստանի ТАСС լրատվական գործակալության գլխավոր տնօրեն Սերգեյ Միխայլովը շնորհավորել է «Արմենպրես» լրատվական գործակալությանը հիմնադրման 104-րդ տարեդարձի առիթով։ «Արմենպրես»-ը ներկայացնում է ՏԱՍՍ գործակալության գլխավոր տնօրենի ուղերձը․
«Թույլ տվեք Ռուսաստանի ТАСС լրատվական գործակալության անունից շնորհավորել Ձեզ և Հայաստանի «Արմենպրես» պետական գործակալության ողջ անձնակազմին՝ գործակալության հիմնադրման օրվա առթիվ: Այսօր «Արմենպրես»-ը վստահորեն պահպանում է իր հեղինակությունը՝ որպես տեղեկատվության հեղինակավոր աղբյուր բաժանորդների և գործընկերների ամենալայն շրջանակի համար: Լրագրողական պարտականություններին հավատարմությունը, օբյեկտիվությունը և ընթերցողի առջև պատասխանատվությունը միշտ եղել են ձեր աշխատանքի հիմնական ուղենիշները: Համոզված եմ, որ ձեր ստեղծագործական թիմը կշարունակի իր ներդրումն ունենալ համաշխարհային տեղեկատվական դաշտի զարգացման գործընթացում: Օգտվելով առիթից ՝ ցանկանում եմ վստահություն հայտնել մեր գործակալությունների միջև ապագայում լավ հարաբերությունների պահպանման հարցում։ Անկեղծորեն մաղթում եմ Ձեզ նոր հաղթանակներ, բարեկեցություն և բարգավաճում»:
Բաժանորդագրվեք մեր ալիքին Telegram-ում