Արցախի 2021-ի բյուջեում սեփական եկամուտները 3 անգամ կնվազեն․ ՀՆԱ 25%-անոց անկում է սպասվում14 հունվարի 2021 - 15:50 AMT PanARMENIAN.Net - 2021-ին Արցախի պետական բյուջեի սեփական եկամուտները կկազմեն 17 մլրդ դրամ՝ նախորդ տարվա 56 մլրդ դրամի փոխարեն, հայտարարել է Արցախի պետնախարար-ֆինանսների նախարար Գրիգորի Մարտիրոսյանը խորհրդարանում 2021-ի բյուջեի նախագծի քննարկմանը։ 2021-ին ակնկալվում է 224․5 մլրդ դրամի համախառն ներքին արդյունք, կանխատեսվում է մոտ 25% անկում: ՀՀ-ից տրամադրվող բյուջետային վարկի չափը չի փոփոխվել, այն կկազմի 64․7 մլրդ դրամ: Ընդհանուր եկամուտները կկազմեն 81․8 մլրդ դրամ, ծախսերը՝ 124․8 մլրդ դրամ, որի արդյունքում դեֆիցիտը կկազմի 43․2 մլրդ դրամ։ Բյուջեն կազմվել է տարեսկզբի համավարակի և աշնանն ընթացած պատերազմի հետևանքները հաշվի առնելով: Մարտիրոսյանը նշել է, որ հետպատերազմյան ժամանակաշրջանում բազմաթիվ սոցիալական խնդիրներով պայմանավորված՝ 2021-ի բյուջետային քաղաքականությունը հիմնականում ունենալու է սոցիալական ուղղվածություն: Մասնավորապես, Արցախի բնակչության կոմունալ ծառայությունների փոխհատուցման համար, «Էլեկտրաէներգիայի, գազաֆիկացման, կապի ծառայությունների սուբսիդավորում» ծրագրի ծախսերը կկազմեն 12 մլրդ դրամ, սոցիալական պաշտպանության ծախսերը՝ 31․4 մլրդ դրամ, առողջապահությանը հատկացվող գումարը՝ 8․7 մլրդ դրամ։ «Եկամուտները գալիք տարում կկազմեն 81․8 մլրդ դրամ, ծախսերը՝ 124․8 մլրդ, որի արդյունքում դեֆիցիտը կկազմի 43․2 մլրդ դրամ։ Պետական բյուջեի ծախսերը պակաս են նախորդ տարվա բյուջեով նախատեսված ծախսերից 7․8%-ով: Ծախսեր-ՀՆԱ հարաբերակցությունը կկազմի 55․6%՝ 2020-ի 46․2%-ի դիմաց»,- հայտնել է պետնախարարը: Արցախի ԱԺ կայքում ներկայացված է նաև 2021-ին պետական բյուջեի հիմնական ծախսային ուղղությունները ըստ ոլորտների: Պետբյուջեի բաշխումն ունի հետևյալ պատկերը․ գյուղատնտեսություն՝ 5 մլրդ 91,6 մլն դրամի չափով, տնտեսական զարգացման ծրագրեր՝ 618,3 մլն դրամ ԱՀ բնակչության կոմունալ ծառայությունների փոխհատուցման համար, «Էլեկտրաէներգիայի, գազաֆիկացման, կապի ծառայությունների սուբսիդավորում» ծրագրի ծախսերը կկազմեն 12 մլրդ դրամ, սոցիալական պաշտպանություն՝ 31․4 մլրդ դրամ, առողջապահություն՝ 8․7 մլրդ դրամ, կրթություն՝ 14․7 մլրդ դրամ, մշակույթ և երիտասարդություն՝ 2․4 մլրդ դրամ։ Համայնքների բյուջեներին տրամադրվող դոտացիաներ՝ 2 մլրդ 892,6 մլն դրամ: Ուշագրավ Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան Ամենաընթերցվողը բաժնում | Ծանրամարտի 2027-ի աշխարհի առաջնությունը կանցկացվի Երևանում Սա աշխարհի առաջին առաջնությունն է օլիմպիական մարզաձևից, որը կանցկացվի Հայաստանում Խուզարկվում են ԱԺԲ գրասենյակներն ու անդամների տները մոտ 40 հասցեում Խուզարկել են Ժիրայր Սեֆիլյանի, Արա Պապյանի և այլոց տները Ստեփանյան․ Արցախից բռնի տեղահանվածներից մոտ 11,000–ն արտագաղթել է ՀՀ-ից Ըստ նրա, կան նաև այլ տվյալներ՝ 15,000 արտագաղթածի մասին Լոնդոնի հետ քննարկվել են Երևանի նոր գլխավոր հատակագծի մշակման հարցեր Քննարկումն ընթացել է Լոնդոնի քաղաքային պլանավորման OUTCOMIST ընկերության հիմնադիր-տնօրեն Քրիս Չոայի հետ |