36-ամյա Տաշայի մոտ աղիքային քաղցկեղ են ախտորոշել, երբ նրա որդին ընդամենը վեց ամսական էր:
Երբ Տաշա Բերտոնի վիճակը դարձել է կրիտիկական, վերջին հնարավոր բանը Անգլիայում գտնվող հոսպիսն է եղել: Կնոջն անհրաժեշտ էր շուրջօրյա խնամք՝ տառապանքները մեղմելու համար: Հետևաբար ընկերներին շատ քիչ ժամանակ էր մնացել նրա նվիրական երազանքն իրականացնելու համար: 36 ժամվա ընթացքում նրանք կարողացել են կազմակերպել Տաշայի և նրա սիրելիի հարսանիքը, հաղորդում է SWNS-ն:
36-ամյա Տաշա և Դանիել Քորլիները արդեն երեք տարի միասին էին և խնամում էին իրենց մեկուկես տարեկան տղային: Սակայն, 2017թ.-ի հոկտեմբերին կնոջ մոտ աղիքային քաղցկեղ են ախտորոշում: Տաշան մինչև վերջն պայքարում է հիվանդության դեմ, սակայն վերջին ստուգումները ցույց են տալիս, որ հիվանդությունը տարածվել է թոքերի, լյարդի և ավշային հանգույցների վրա: Բժիշկները նրան մի քանի շաբաթվա կյանք են կանխատեսում:
Տաշայի լավագույն ընկերուհին որոշում է կազմակերպել նրա երազանքների հարսանիքը: Եվ, բարեբախտաբար, հասցնում է: Դրանից մեկ շաբաթ անց Տաշան մահանում է:
