Տանզանիայում հինգ ավտոմեքենաների մասնակցությամբ վթարի հետեւանքով առնվազն 11 մարդ է զոհվել, եւս 15-ը վիրավորվել է, հաղորդում է «ՌԻԱ Նովոստին»՝ վկայակոչելով տեղական Citizen հրատարակությանը եւ տեղական իշխանություններին:
Հրատարակության տվյալներով երկու բեռնատարների, երկու ավտոցիստեռների եւ միկրոավտոբուսի մասնակցությամբ պատահարը տեղի է ունեցել ուրբաթ երեկոյան Մբեյ քաղաքում: Ինչպես հայտնել է ոստիկանությունը, բեռնատարներից մեկի արգելակները չեն աշխատել:
«Ես ցնցված էի, երբ իմացա 11 մարդու մահվան մասին: Մենք նորից վթարում անմեղ մարդկանց կորցրեցինք, որի հետեւանքով եւս մի քանի մարդ վիրավորվել է», —թերթը մեջբերում է երկրի նախագահ Ջոն Մագուֆուլիի խոսքը: