Ստեղծվել է աղետների ռիսկերի նվազեցման օպերատիվ աշխատանքային խումբ
ԵՐԵՎԱՆ, 16 ՀՈՒԼԻՍԻ, ԱՐՄԵՆՊՐԵՍ: Վարչապետ Նիկոլ Փաշինյանի որոշմամբ ստեղծվել է Աղետների ռիսկերի նվազեցման, հնարավոր արտակարգ իրավիճակների կանխարգելման, ինչպես նաև դրանց հետևանքների վերացմանն ուղղված միջոցառումների իրականացման և ըստ մասնագիտական ոլորտների առաջարկությունների ներկայացման նպատակով ստեղծել օպերատիվ աշխատանքային խումբ (շտաբ): Ինչպես փոխանցում է «Արմենպրես»-ը, աշխատանքային խմբի ղեկավարն է ՀՀ արտակարգ իրավիճ-ակների նախարար Ֆելիքս Ցելակյանը:
Աշխատանքային խումբը կազմակերպելու է աղետների ռիսկերի նվազեցման, հնարավոր արտակարգ իրավիճակների կանխարգելման, ինչպես նաև դրանց հետևանքների վերացմանն ուղղված միջոցառումները: Դրանց կատարման ընթացքի և արդյունքների վերաբերյալ ՀՀ վարչապետին պարբերաբար կներկայացվեն տեղեկատվություն և ըստ անհրաժեշտության առաջարկություններ:
Բաժանորդագրվեք մեր ալիքին Telegram-ում