Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Պատասխանատվությունն է ավելացել». Սիլվա Հակոբյանը՝ ամուսնական կյանքի եւ ստեղծագործական նորությունների մասին (ֆոտո/վիդեո)

15:09, 22 սեպտեմբերի

Երգչուհի Սիլվա Հակոբյանին վերջին շրջանում ոչ այնքան հաճախ ենք տեսնում հայկական հեռուստաեթերում կամ աստղային միջոցառումների ժամանակ. պատճառն, ըստ Սիլվայի, նրա համերգային շրջագայություններն են: Սակայն օրերս NEWS.am STYLE-ը Սիլվային հանդիպեց երգիչ Էդգարի ձայնասկավառակի փակ շնորհանդեսին, որին, ի դեպ, ներկա էր նաեւ շվեդ հայտնի երգիչ Բոսսոնը:

Սիլվան միջոցառման ժամանակ ոչ միայն շնորհավորեց իր գործընկերոջը, այլեւ կատարեց հայտնի «Գիշեր է» երգը, որից հետո սիրով պատասխանեց NEWS.am STYLE-ի հարցերին:

Երգչուհու հետ զրուցել ենք ստեղծագործական նորությունների եւ անձնական կյանքի որոշ մանրամասների մասին.

«Էդգարի հետ ոչ այնքան վաղուց ենք ծանոթ: Մոսկվայում ենք ծանոթացել, ու առաջին տպավորություններս շատ լավն էին նրա մասին, որովհետեւ շատ դաստիարակված ու կոկիկ մարդ է, ու կարծում եմ՝ դա բոլորն են տեսնում: Ինչո՞ւ ոչ՝ չեմ բացառում, որ ապագայում լինի նաեւ զուգերգ, կարեւորը՝ առաջին փորձն արեցինք ու հասկացանք, որ մեր ձայները համապատասխան են»,-անդրադառնալով «Գիշեր է» երգի՝ իր եւ Էդգարի համատեղ կատարմանը, նշեց երգչուհին՝ խոսելով նաեւ իր աձնական նորությունների մասին.

«Շատ ծրագրեր ունեմ: Երկու տարի լռեցի, բայց հարգելի պատճառներով: Այս ընթացքում հասկացա, թե որքան է ինձ կարոտել հայ հանդիսատեսը: Շատ են գրում եւ հարցնում, թե երբ է լինելու նոր երգ կամ տեսահոլովակ: Սակայն կարծում եմ՝ երբեմն այսպիսի դադարն էլ է պետք գալիս: Չնայած՝ դադար ասելով, այդքան էլ այդպես չի եղել: Ես անընդհատ շրջագայել եմ, ունեցել եմ համերգային ծրագրեր, որոնցից մեկը Արամեի հետ էր: Դա էր մեծ մասամբ խանգարում, որ Հայաստանում ավելի բուռն գործունեություն ծավալեի: Բայց շատ շուտով կվերադառնամ»,-ասում է երգչուհին՝ հավելելով, որ այն խոսակցությունները, թե իբր ինքն ամուսնության պատճառով թողնելու է երգարվեստը, չեն համապատասխանում իրականությանը.

«Նման բան ընդհանրապես չկա: Որքան էլ, որ ամուսինս կապ չունի շոու-բիզնեսի հետ, շատ հասկացող եւ ըմբռնող անձնավորություն է: Յուրաքանչյուր արտիստին հենց նման ամուսին է պետք, որն իրեն սատար է կանգնում եւ քաջալերում: Իմ ամուսինը հենց այդպիսին է, եւ ես շատ հպարտ ու գոհ եմ»:

Սիլվան նաեւ նշում է՝ ամուսնությունից հետո կյանքն այնքան էլ չի փոխվել.

«Կյանքս փոխվել է այնքանով, որ հիմա առանձին եմ ապրում: Դե, առանձին ասելով նկատի ունեմ կողքի շենքում (ծիծաղում է): Դրանով է միայն փոխվել կյանքս: Նաեւ պատասխանատվությունն է ավելացել: Հետագայում, երբ բալիկ ունենանք, երեւի ավելի լավ կհասկանանք, թե ինչ է ամուսնություն ասվածը»:

Ինչ վերաբերում է նոր տեսահոլովակներին եւ համերգային գործունեությանը՝ նորությունների պակաս երգչուհու երկրպագուները չեն ունենա.

«Այս տարվա վերջ հաստատ կունենամ նոր տեսահոլովակ, բայց կոնկրետ ժամկետ չեմ կարող նշել: Երգն աշխույժ չէ, բայց էլի շատ լավն է լինելու: Համագործակցել ենք քույրիկիս՝ Մանե Հակոբյանի հետ. նա է խոսքերի եւ երաժշտության հեղինակը: Երգը կոչվում է «Սիրո աստղ», այն երջանիկ սիրո մասին է: Դրանից հետո ավելի ակտիվ կսկսեմ աշխատել: Բացի այդ՝ նոր մենահամերգիս եմ պատրաստվում, որը տեղի կունենա ապրիլի 8-ին՝ Կրեմլում: Անկեղծ ասած՝ պլանավորել էինք, որ մյուս տարի Հայաստանում էլ լինի մենահամերգ, բայց տեսնենք՝ ինչպես կստացվի: Որոշել էի մարտ ամսին ունենալ համերգ, բայց, միգուցե, մի փոքր ավելի ուշ ստացվի: Դեռ չեմ ասի, թե ինչ կլինի. մտքեր կան, բայց փորձում ենք դեռ որոշ բաներ համատեղել: Ինքս էլ շատ եմ կարոտել երեւանյան հանդիսատեսին: Սփյուռքի հետ շփումս միշտ կա, ինչի համար անչափ ուրախ եմ, բայց անպայման շուտով կվերադառնամ հայ երկրպագուներիս մոտ»,-եզրափակեց երգչուհին:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել