Մոուրինյոն Սանչեսին ներկայացնում է «Մանչեսթեր Յունայթեդի», Վենգերը Մխիթարյանին՝ «Արսենալի» նպատակը (ծաղրանկար)

Ծաղրանկարիչ Օմար Մոմանիի հերթական աշխատանքի թեման դարձել է Հայաստանի հավաքականի եւ «Մանչեսթեր Յունայթեդի» կիսապաշտպան Հենրիխ Մխիթարյանի եւ Լոնդոնի «Արսենալի» չիլիացի հարձակվող Ալեքսիս Սանչեսի տրանսֆերային փոխանակությունը։

«Մանչեսթեր Յունայթեդը» պայքարում է Չեմպիոնների լիգայի գավաթի, «Արսենալը»՝ Անգլիայի Պրեմյեր լիգայի չորրորդ տեղի համար։

Հիշեցնենք, որ Սանչեսը հունվարի 21–ին մեկնել է Մանչեսթեր եւ արդեն բուժզննում է անցել։ Հայաստանի հավաքականի ավագ Հենրիխ Մխիթարյանը ժամանել է Լոնդոն եւ առաջիկայում բուժզննում կանցնի «Արսենալում»։ Ոչ պաշտոնական տվյալներով. երկու ֆուտբոլիստներն էլ սպասում են Մեծ Բրիտանիայում աշխատանքի իրավունքի երկարաձգմանը։

Սպասվում է, որ տրանսֆերի մասին պաշտոնապես կհրապարակվի հունվարի 22–ին կամ 23–ին։

Հետևեք NEWS.am SPORT-ին Facebook-ում, Twitter և Telegram-ում