«Մամուլի հետ սուրճ» հաղորդման սեպտեմբերի 26-ի հյուրը Խոսքի ազատության պաշտպանության կոմիտեի նախագահ Աշոտ Մելիքյանն է։
Մեր զրուցակիցն անդրադարձավ hayeli.am և armlur.am կայքերի խմբագիրներին հարցաքննության հրավիրելու հանգամանքին։ Հիշեցնենք, որ նշված երկու լրատվամիջոցները, ըստ իրենց աղբյուրների, տեղեկություն էին հրապարակել՝ իբրև թե նախկին ոստիկանապետ Հայկ Հարությունյանը ինքնասպանություն գործելուց առաջ ասել է, թե իրեն ստիպում են Քոչարյանի դեմ ցուցմունք տալ, բայց ինքը դա անել չի կարող։
Ըստ Մելիքյանի՝ իրավիճակը մտահոգիչ է, ինֆորմացիոն դաշտն այլանդակվել է ու պետք է լուրջ քայլեր ձեռնարկել. «Ե՛վ նախկինում, և՛ հիմա մենք համարել ենք, որ իրավապահ մարմինները չպետք է լրատվամիջոցներին պարտադրեն հրապարակել իրենց տեղեկատվության աղբյուրը։ Մենք հղում ենք կատարում օրենքին, ըստ որի՝ տեղեկատվություն հրապարակել կարող է պարտադրել միայն դատարանը։ Բայց իմ կարծիքով՝ այստեղ նույնիսկ աղբյուր չի եղել, դա ընդամենը ինֆորմացիոն դիվերսիա է եղել»։
Հարցազրույցն ամբողջությամբ՝ տեսանյութում