Երեկ Guess-ի պաշտոնական էջում տեղեկություն է հրապարակվել, որ ապրանքանիշի նոր դեմքն է դարձել Ջենիֆեր Լոպեսը: Հիմա երգչուհու սև-սպիտակ լուսանկարը, որը հրապարակվել է բոլոր ԶԼՄ-ներում, քննարկում են համացանցում: Գովազդը լուսանկարել է Տատյանա Գարուսովան, իսկ Լոպեսը սեքսուալ կերպարով է ներկայացել՝ սպիտակ վերնաշապիկ, կարճ շորտ, կաշվե լայն գոտի, որոնք ընդգծել են երգչուհու գեղեցիկ մարմինը: Ավելի ուշ երգչուհին մեկնաբանել է իր մասնակցությունը գովազդին, գրում է ELLE-ն:
«Երբ ինձ զանգահարեց Փոլը (ապրանքանիշի դիզայները) և խնդրեց դառնալ Guess-ի նոր աղջիկը, ես ուրախացա նշանավոր ապրանքանիշի հետ աշխատելու հնարավորության համար, որը սիրում եմ մանկուց»:
Փոլ Մարչիանոն, իր հերթին, բացատրել է՝ ինչու է ընտրել հենց Լոպեսին. «Ջենիֆերը փորձառու արտիստ է, լեգենդար և զգայուն: Նրա ազդեցությունը և հայտնիությունը շարունակում են աճել: Նոր գովազդային արշավում մենք ուզում ենք շեշտը դնել նրա վրա, որ կանայք ավելի գեղեցիկ և տաղանդավոր են դառնում, երբ կենսափորձ են ձեռք բերում»: