Գրեթե 45,5 հազար մարդ Քալիֆորնիայի Սան Դիեգո քաղաքում առանց էլեկտրականության է մնացել սկյուռի պատճառով, հայտնում է CBS8-ը:
Հեռուստաալիքի տեղեկություններով՝ միջադեպը տեղի է ունեցել երեքշաբթի կեսօրին: Նախնական տեղեկություններով՝ բնակելի տներում, դպրոցներում եւ ձեռնարկություններում զանգվածային հոսանքազրկման պատճառը էլեկտրահաղորդման գծերին կառչած սկյուռն էր:
Նշվում է, որ մոտ մեկ ժամից քաղաքում էլեկտրամատակարարումը վերականգնվել է: