Տնտեսական

USD BUY - 390.00-2.00 USD SELL - 394.00-1.00
EUR BUY - 418.00-3.00 EUR SELL - 426.00-2.00
OIL:  BRENT - 87.07+0.89 WTI - 83.11+1.71
COMEX:  GOLD - 2254.80+1.78 SILVER - 25.10+1.21
COMEX:  PLATINUM - 923.00+1.21
LME:  ALUMINIUM - 2337.00+2.19 COPPER - 8867.00+0.69
LME:  NICKEL - 16749.00+1.14 TIN - 27451.00+0.28
LME:  LEAD - 2055.00+2.49 ZINC - 2439.00+0.95
FOREX:  USD/JPY - 151.29-0.05 EUR/GBP - 1.0773-0.43
FOREX:  EUR/USD - 1.0773-0.43 GBP/USD - 1.2623-0.03
STOCKS RUS:  RTSI - 1128.26-0.15
STOCKS US: DOW JONES - 39807.37+0.12 NASDAQ - 16379.46-0.12
STOCKS US: S&P 500 - 5254.35+0.11
STOCKS JAPAN:  NIKKEI - 40168.07-1.46 TOPIX - 2750.81-1.73
STOCKS CHINA:  HANG SENG - 16541.42+0.91 SSEC - 3010.66+0.59
STOCKS EUR:  FTSE100 - 7952.62+0.26 CAC40 - 8205.81+0.01
STOCKS EUR:  DAX - 18492.49+0.08
28/03/2024  CBA:  USD - 394.46-0.25 GBP - 497.65-0.91
28/03/2024  CBA:  EURO - 425.62-1.93
28/03/2024  CBA:  GOLD - 27808.22+146.08 SILVER - 310.90-4.13
Խորհրդարանում շարունակվել են բյուջետային քննարկումները
12/06/2019 18:01
Կիսվել

Խորհրդարանում շարունակվել են բյուջետային քննարկումները

Հունիսի 12-ին տեղի է ունեցել ՀՀ ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի ու ՀՀ ԱԺ ֆինանսավարկային եւ բյուջետային հարցերի մշտական հանձնաժողովների համատեղ նիստը՝ Մխիթար Հայրապետյանի եւ Մանե Թանդիլյանի նախագահությամբ: Համատեղ նիստում քննարկվել է 2018 թվականին ՀՀ պետական բյուջեից գիտության, կրթության, մշակույթի, սպորտի, սփյուռքի, երիտասարդության եւ տեղեկատվության ոլորտներին հատկացված ծախսերի կատարողականը:

ՀՀ ֆինանսների նախարար Ատոմ Ջանջուղազյանը ներկայացրել է հիմնական ֆինանսական ցուցանիշները:

Նախարարը նշել է, որ Կրթության, գիտության նախարարության կողմից 73 ծրագրերի իրականացման համար ճշտված պլանով նախատեսվել է հատկացնել 39.3 մլրդ դրամ, փաստացի ծախսվել է 38 մլրդ դրամ՝ ապահովելով 96.9 տոկոսով կատարողական:

Մշակույթի նախարարության համար նախատեսված 12.3 մլրդ դրամի դիմաց արձանագրվել է 97.7 տոկոս կատարողական:

Սպորտի եւ երիտասարդության հարցերի նախարարության համար հատկացվել է շուրջ 5.7 մլրդ դրամ. կատարողականը կազմել է գրեթե 97.1 տոկոս: Իրականացվել է 40 ծրագիր:

Սփյուռքի նախարարությունը հաշվետու շրջանում իրականացրել է 17 ծրագիր, որի համար նախատեսվել է 1.1 մլրդ դրամ, կատարողականը կազմել է 83.11 տոկոս:

ՀՀ հանրային հեռուստառադիոընկերության խորհրդի գործունեության համար հատկացվել է ճշտված ծրագրով 6 մլրդ 375 մլն դրամ, արձանագրվել է 99.9 տոկոս կատարողական:

ՀՀ հեռուստատեսության եւ ռադիոյի ազգային հանձնաժողովի համար նախատեսվել է շուրջ 263 մլն դրամ՝ հիմնականում ուղղված կառույցի պահպանման ծախսերին: Կատարողականը կազմել է 96.5 տոկոս:

Գիտության ոլորտի ֆինանսավորմանը ճշտված բյուջեով հատկացվել է 14.3 մլրդ դրամ, կատարողականը եղել է 97.7 տոկոս:

Ոլորտների ղեկավարներն անդրադարձել են իրականացված ծրագրերին եւ արձանագրված արդյունքներին:

Կրթության, գիտության, մշակույթի եւ սպորտի նախարար Արայիկ Հարությունյանը նշել է, որ հատկացված ֆինանսական միջոցների 72.8 մլրդ դրամն ուղղվել է հանրակրթության ոլորտին, իսկ 14.2 մլրդը՝ գիտությանը, որի կատարողականը կազմել է 97 տոկոս: Զեկուցողի տեղեկացմամբ՝ հաշվետու ժամանակահատվածում մշակվել է «Բարձրագույն  կրթության եւ տեղեկատվության մասին» օրենքը, որը շուտով կներկայացվի խորհրդարան: 2018 թ.-ին դադարեցվել են մի շարք անարդյունավետ ծրագրեր, իսկ ընթացիկ տարում փոխվել է գումարների բաշխման տրամաբանությունը, ինչը թույլ կտա զարգացնել համապատասխան ոլորտը:

ՀՀ հեռուստատեսության եւ ռադիոյի ազգային հանձնաժողովի նախագահ Տիգրան Հակոբյանի տեղեկացմամբ՝ կառույցին հատկացված միջոցների 80 տոկոսն ուղղվել է աշխատավարձերի վճարմանը: Բանախոսը խոսել է հանձնաժողովի աշխատանքների արդյունավետության բարձրացմանն ուղղված քայլերի մասին:

ՀՀ հանրային հեռուստառադիոընկերության խորհրդի նախագահ Արա Շիրինյանը ներկայացրել է ծախսային ուղղությունները, անդրադարձել աշխատավարձերի, հավելավճարների, գործուղումների համար նախատեսված միջոցներից արված տնտեսումներին:

ՀՀ վարչապետի աշխատակազմում սփյուռքի գործերի գլխավոր հանձնակատարի գրասենյակի Ամերիկայի հայ համայնքի գծով վարչության պետի ժամանակավոր պաշտոնակատար Երեմ Սիմոնյանը ներկայացրել է ՀՀ սփյուռքի նախարարության կողմից իրականացված ծրագրերը, անդրադարձել 177 մլն 400 հազար դրամի տնտեսումներին՝ ընդգծելով, որ այն ամբողջությամբ վերադարձվել է բյուջե:

Հիմնական զեկուցողները պատասխանել են նաեւ իրենց ոլորտներին վերաբերող պատգամավորների հարցերին:

28/03/2024
դրամ
Դոլար (USD)
394.46
-0.25
Եվրո (EUR)
425.62
-1.93
Ռուբլի (RUR)
4.27
+0.00
Լարի (GEL)
146.23
+0.18
27808.22
+146.08
Արծաթ
310.90
-4.13