7028 դիտում
17:42 26-07-2017
Գարեգին Բ կաթողիկոսն ընդունել է շփման գծում ծանր վիրավորում ստացած սերժանտ Գևորգ Դադասյանին. ԼՈՒՍԱՆԿԱՐՆԵՐ
Հուլիսի 26-ին-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց 2016 թ. նոյեմբերին, ղարաբաղա-ադրբեջանական զորքերի շփման գծում մարտական գործողությունների ժամանակ ծանր վիրավորում ստացած սերժանտ Գևորգ Դադասյանին՝ ուղեկցությամբ ՀՀ ԶՈՒ հոգևոր առաջնորդ Գերաշնորհ Տ. Վրթանես եպիսկոպոս Աբրահամյանի և Հնդկաստանում ՀՀ արտակարգ և լիազոր դեսպան Արմեն Մարտիրոսյանի:
Վրթանես եպիսկոպոսը Վեհափառ Հայրապետին ներկայացրեց հայրենյաց պաշտպանին, ով Մայր Աթոռ Ս. Էջմիածնի նախաձեռնությամբ և Կալկաթայի Ս. Նազարեթ եկեղեցու վարչության աջակցությամբ առաջիկայում անհրաժեշտ բուժումը կստանա Հնդկաստանում:
Ամենայն Հայոց Կաթողիկոսն իր օրհնությունը բերեց քաջարի հայորդուն` ընդգծելով, որ մեր ժողովրդի, պետության և Սուրբ Եկեղեցու նվիրական պարտքն է հոգալ և հնարավորինս օժանդակել Հայրենիքի պաշտպանության ծառայության ընթացքում վիրավորում ստացած իր զավակներին, որպեսզի կարողանան շարունակել ապրել իրենց լիարժեք կյանքով:
Հայրապետական իր օրհնության և բարեհաջող ապաքինման մաղթանքով Վեհափառ Հայրապետը գոհունակություն հայտնեց, որ հակառակ բոլոր տեսակի կորուստների հայոց արիասիրտ զինվորները ամուր են հոգով և շարունակում են պահպանել լավատեսությունը` իրենց բարձր ոգով նաև խանդավառելով իրենց զինակից եղբայրներին:
Ամենայն Հայոց Կաթողիկոսն այս առիթով իր գնահատանքը փոխանցեց Կալկաթայի Ս. Նազարեթ եկեղեցու վարչությանը, ինչպես նաև դեսպան Արմեն Մարտիրոսյանին հայորդու բուժման նպատակով ձեռնարկված քայլերի համար:
Իր հերթին ՀՀ ԶՈՒ հոգևոր առաջնորդը շնորհակալություն հայտնեց Նորին Սրբությանը հայոց բանակին ցուցաբերվող մշատական զորակցության համար:
ԼՈՒՍԱՆԿԱՐՆԵՐ 4+
4+
Նմանատիպ նյութեր
31605 դիտում
14:18 09-07-2017
Շփման գծում հուլիսի 7-ին վիրավորում ստացած 3 զինծառայողների առողջական վիճակի մեջ փոփոխություն չկա. armtimes.com
15152 դիտում
09:28 14-05-2016
Այս գիշեր շփման գծում լարված է եղել. ԼՂՀ ՊԲ մեկ զինծառայող ծանր վիրավորում է ստացել
Այս բաժնից
595 դիտում
18:33 25-04-2024
ՀՀ-ում ծեծի է ենթարկվել Առողջապահության համաշխարհային կազմակերպության խորհրդականը
229 դիտում
18:17 25-04-2024
Փոխվարչապետ Մհեր Գրիգորյանն ընդունել է Իրանի դեսպանին
1048 դիտում
18:09 25-04-2024
Եթե սիրում ես հայրենիքդ, ապա ցանկացած ոլորտում կհաջողես. տարվա լավագույն պարեկ Խաչիկ Հովհաննիսյան