Պատմության հետագծով
ԵՐԵՎԱՆ, 18 ՀՈՒԼԻՍԻ, ԱՐՄԵՆՊՐԵՍ։ 1938 թ. հուլիսի 18-ին ծնվել է Պերճ Զեյթունցյանը՝ հայ արձակագիր, դրամատուրգ, հրապարակախոս և թարգմանիչ։ ՀԽՍՀ մշակույթի վաստակավոր գործիչ (1989), պետական մրցանակի կրկնակի դափնեկիր, Հռոմի արվեստների և հասարակական գիտությունների «Տիբերինա» ակադեմիայի պատվավոր անդամ:
* 1897 թ. հուլիսի 18-ին ծնվել է Եղիա Չուբարը՝ հայ լրագրող, կինոսցենարիստ, հրապարակախոս, գրական-հասարակական գործիչ (մահ.՝ 1937 թ.):
* 1316 թ. հուլիսի 18-ին Հայ առաքելական եկեղեցու կողմից Կիլիկիայի Ադանա քաղաքում գումարվել է Ադանայի ժողովը:
* 1921 թ. հուլիսի 18-ին «Նեմեսիսի» հայ վրիժառու Միսաք Թորլաքյանը Կոստանդնուպոլսում սպանեց Ադրբեջանի ներքին գործերի նախկին նախարար Բիհբութ Ժիվանշիր խանին:
* 1938 թ. հուլիսի 18-ին մահացել է Վահան Թոթովենցը՝ հայ նշանավոր գրող, արձակագիր, բանաստեղծ (ծնվ.՝ 1889 թ.):
* 1917 թ. հուլիսի 18-ին ծնվել է Բաբկեն Ներսիսյանը՝ հայ թատրոնի անվանի դերասան, ԽՍՀՄ ժողովրդական արտիստ։ Թբիլիսիում ծնված, Պ. Ադամյանի անվան հայկական թատրոնում իր դերասանական կյանքի ուղին սկսած տաղանդավոր դերասանն իր ստեղծագործական կյանքը շարունակել է Երևանի Գ. Սունդուկյանի անվան թատրոնում՝ մինչև իր մահկանացուն կնքելը։
* 1918 թ. հուլիսի 18-ին ծնվել է Նելսոն Մանդելան՝ Հարավաֆրիկյան Հանրապետության առաջին սևամորթ նախագահը, մարդու իրավունքների ամենահայտնի ակտիվիստներից մեկը, Նոբելյան մրցանակի դափնեկիր (մահ.՝ 2013 թ.):
Մ. Ա.
Բաժանորդագրվեք մեր ալիքին Telegram-ում